Aamir Khan: చెన్నైలో ఓ హోటల్‌లో ఉంటున్న ఆమిర్‌… ఏమైంది? ఎందుకని?

ఇప్పుడంటే సరైన విజయాలు లేక ఆమిర్‌ ఖాన్‌ డల్ అయిపోయాడు కానీ… ఒకప్పుడు ఆమిర్‌ ఓ కథ ఎంచుకున్నాడు అంటే సెంట్‌ పర్సంట్‌ హిట్‌ పక్కా అనుకునేవారు. అలాంటి కథలు ఆయన నుండి వచ్చేవి మరి. దానికితోడు సినిమా కోసం ప్రాణం ఇచ్చే టైపాయే. దీంతో మిస్టర్‌ పర్‌ఫెక్షనిస్ట్ అనే పేరు కూడా సంపాదించాడు. ఆ మిస్టర్‌ పర్‌ఫెక్ట్‌ ఇప్పుడు తన మకాన్ని ముంబయి నుండి చెన్నైకి మార్చేస్తున్నాడా? ఏమో ఇప్పుడు ఈ విషయం గురించే చర్చ.

బాలీవుడ్‌లో ఖాన్‌ త్రయంలో ఆమిర్‌ ఒకరు. వరుస విజయాలతో మిగిలిన ఇద్దరు ఖాన్‌ సల్మాన్‌, షారుఖ్‌ను కాస్త వెనక్కి నెట్టేశాడు కూడా. అయితే ఇప్పుడు తిరిగి షారుఖ్‌ ఖాన్‌ లీగ్‌లో ముందుకొచ్చాడు అనుకోండి. ఆ విషయం పక్కనపెడితే ఆమిర్‌ ఇప్పుడు ముంబయిలో కాకుండా చెన్నైలో ఉండటానికి మొగ్గు చూపుతున్నాడని ఓ వార్త వ్యాపిస్తోంది. ఓ తమిళ సినిమాకు ఆమిర్‌ ఓకే చెప్పాడని, అందుకే వచ్చేశాడని వార్తలొచ్చాయి. దీంతో అసలేమైంది అని ఆరాతీస్తే అసలు విషయం తెలిసింది.

ఆమిర్‌ (Aamir Khan) చెన్నై రావడం అయితే నిజమే. ఇక్కడ ఉండాలని అనుకోవడమూ నిజమే కానీ.. అది తాత్కాలికం మాత్రమేనట. అంతేకాదు అది సినిమాల కోసం కూడా కాదు అని అంటున్నారు. చెన్నైలో ఆమిర్‌ రెండు నెలలు ఉంటాడ. ఆమిర్ తల్లి అనారోగ్యం కారణంగా చెన్నైలోని ఓ ప్రైవేటు ఆసుపత్రిలో చికిత్స పొందుతున్నారట. దీంతో ఆమెను దగ్గరుండి చూసుకోవడానికి చెన్నైలో ఉండాలని నిర్ణయించుకున్నాడట.

తల్లి చికిత్స పొందుతున్న ఆసుపత్రికి దగ్గర్లోనే ఓ హోటల్లో ఉండాలని ఆమిర్ భావిస్తున్నట్టు సమాచారం. ఈ పనులు తర్వాత ఆమిర్‌ తన కుమార్తె ఐరా ఖాన్‌ పెళ్లి చేస్తాడు. ఇటీవల పెళ్లి తేదీని కూడా అనౌన్స్‌ చేశాడు. జనవరి 3న తాను బాగా ఏడుస్తా అంటూ కూతురు పెళ్లి డేట్‌ చెప్పాడు. ఈ రెండు పనులు అయ్యాక ‘సితారే జమీన్‌ పర్‌’ అనే సినిమా ప్రారంభిస్తారట. తన బ్లాక్‌ బస్టర్‌ మూవీ ‘తారే జమీన్‌ పర్‌’కి ఈ సినిమా రివర్స్‌లో ఉంటుందట.

భగవంత్ కేసరి సినిమా రివ్యూ & రేటింగ్!

లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!