సినిమా ఇండస్ట్రీలో మరో విషాద సంఘటన చోటు చేసుకుంది. తెలుగు ఫిల్మ్ ఇండస్ట్రీలో ఎన్నో ఏళ్లుగా PRO గా కొనసాగుతూ పలు సినిమాలకు నిర్మాతగా కూడా వ్యవహరించిన BA రాజు అకస్మాత్తుగా కన్నుమూయడం అందరిని కలచి వేసింది. శుక్రవారం రాత్రి నుంచే ఆయన తీవ్రంగా అస్వస్థతకు గురవ్వడంతో డయాబెటిస్ హెచ్చుతగ్గులు వచ్చాయి.
ప్రైవేట్ ఆసుపత్రిలో చికిత్స పొందుతూ గుండెపోటు కారణంగా BA రాజు తుది శ్వాస విడిచినట్లు సమాచారం. బిఎ రాజు చిత్ర పరిశ్రమలో చాలా మందికి మంచి మిత్రుడు. ముఖ్యంగా సూపర్ స్టార్ కృష్ణ నుంచి మహేష్ బాబు వరకు ప్రతి సినిమాకు సంబంధించిన ప్రమోషన్స్ చూసుకుంటూ చాలా మంచి గుర్తింపు అందుకున్నారు. కేవలం వారితోనే కాకుండా చాలా మంది దర్శక నిర్మాతలతో అలాగే స్టార్ నటీనటులతో ఆయన ప్రయాణం కొనసాగుతూ వచ్చింది.
చాలా సంవత్సరాలుగా సినీ ప్రేమికులను అలరించిన సూపర్‌హిట్ మ్యాగజైన్‌కు బీఏ రాజు యజమాని కూడా. దర్శకురాలిగా, ఫిల్మ్ జర్నలిస్టుగా ఉన్న ఆయన భార్య బి జయ కొన్నేళ్ల క్రితం కన్నుమూశారు. ఇక ఇప్పుడు BA రాజు మరణ వార్తతో ఒక్కసారిగా సినీ ప్రముఖులు షాక్ అవుతున్నారు. ఇటీవల ప్రముఖ యాంకర్ TNR కరోనాతో మృతి చెందిన విషయం తెలిసిందే. ఇక ఆ ఘటన మరువకముందే మరో విషాద ఘటన చోటు చేసుకోవడం బాధాకరమని సినీ ప్రముఖులు విచారం వ్యక్తం చేస్తున్నారు. అలాగే బీఏ రాజు మృతి పట్ల స్టార్స్ సోషల్ మీడియా ద్వారా సంతాపం తెలియజేశారు.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
