యాక్షన్ హీరో మళ్ళీ అదే ట్రాక్.. వర్కౌట్ అవుతుందా..?

ప్రస్తుతం కామెడీ సినిమాలకి కాలం చెల్లిపోయింది అనేది చాలా మంది నమ్మకం. కామెడీ కోసం థియేటర్ల వరకూ వెళ్ళాలా ‘జబర్దస్త్’ ‘అదిరింది’ వంటి కామెడీ షో లు ఉన్నాయి. వాటితో పాటు యూట్యూబ్ లో … టిక్ టాక్ లలో బోలెడంత కామెడీ స్టఫ్ ఉంటుంది. కాబట్టి కామెడీ ని నమ్ముకున్న శ్రీను వైట్ల, నాగేశ్వర రెడ్డి, వి.వి. వినాయక్ వంటి దర్శకులు అలాగే అల్లరి నరేష్ వంటి కామెడీ హీరో కూడా దుకాణం సర్దేసారు.. అనేది కొందరి విశ్లేషకుల బలమైన నమ్మకం.

ఇలాంటి పరిస్థితుల్లో కామెడీ మీద ఆధార పడి సినిమా చెయ్యడం అంటే కాస్త రిస్కే అని చెప్పాలి. అయినప్పటికీ హీరో గోపీచంద్ ఇప్పుడు అదే రిస్క్ చేస్తున్నట్టు తెలుస్తుంది.వరుస ప్లాప్ లతో గోపీచంద్ కెరీర్ చాలా డల్ అయ్యింది. ప్రస్తుతం ఈ యాక్షన్ హీరో సంపత్ నంది డైరెక్షన్లో ‘సీటీమార్’ అనే చిత్రం చేస్తున్నాడు. తమన్నా హీరోయిన్ గా నటిస్తున్న ఈ చిత్రం కబడ్డీ నేపధ్యంలో సాగుతుందని ప్రచారం జరిగింది.

‘హిప్పీ’ భామ దిగంగన సూర్య వంశీ కూడా ఈ చిత్రంలో కీలక పాత్ర పోషిస్తుంది. అయితే ఈ చిత్రం ఫుల్ కామెడీ తో ఉంటుందనేది తాజా సమాచారం. సెకండ్ హాఫ్ లో వెన్నెల కిశోర్ అలాగే హీరో గోపీచంద్ ల మధ్య కామెడీ ఓ రేంజ్ లో ఉంటుందట. అయితే ఈ టైములో కామెడీ చిత్రాలు వర్కౌట్ అవుతాయా అనేది పెద్ద ప్రశ్న. గతంలో కూడా వరుస ప్లాప్ లతో ఉన్న గోపీచంద్ ‘లౌక్యం’ అనే చిత్రంతో హిట్ కొట్టాడు. ఈసారి కూడా అదే మ్యాజిక్ రిపీట్ అవుతుందేమో అనే కామెంట్స్ కూడా వినిపిస్తున్నాయి.

Most Recommended Video

టాలీవుడ్ టాప్ హీరోల వరస్ట్ లుక్స్ ఇవే!
17 ఏళ్లలో అల్లు అర్జున్ రిజెక్ట్ చేసిన సినిమాలు ఇవే!
బుల్లితెర పై రికార్డులు క్రియేట్ చేసిన సినిమాలు ఇవే!