నటుడు బ్రహ్మాజీ టాలీవుడ్ లో తనకంటూ ప్రత్యేకమైన గుర్తింపు సంపాదించుకున్నాడు. క్యారెక్టర్ ఆర్టిస్ట్ గా, విలన్ గా సినిమాలు చేస్తూ బిజీ స్టార్ గా మారాడు. ఇటీవల ఓటీటీలో విడుదలైన ‘ఏక్ మినీ కథ’ సినిమాలో హీరో తండ్రి పాత్రలో మంచి పెర్ఫార్మన్స్ ను కనబరిచాడు బ్రహ్మాజీ. దీంతో ఆయనకు ఇండస్ట్రీలో అవకాశాలు మరింత పెరిగాయి. ప్రస్తుతం ఓ క్రేజీ రీమేక్ లో ఛాన్స్ దక్కించుకున్నట్లు తెలుస్తోంది. పవన్ కళ్యాణ్, రానా కాంబినేషన్ లో ‘అయ్యప్పనుమ్ కోశియుమ్’ సినిమాను రీమేక్ చేస్తోన్న సంగతి తెలిసిందే.
సాగర్ చంద్ర డైరెక్ట్ చేస్తోన్న ఈ సినిమాలో కీలకపాత్ర కోసం బ్రహ్మాజీను ఎంపిక చేసుకున్నారు. కథ ప్రకారం.. హీరో రానా వద్ద కారు డ్రైవర్ గా కనిపించే పాత్ర అది. కానీ సినిమాలో రానా కనిపించిన ప్రతీసారి ఈ పాత్ర కూడా కనిపిస్తుంది. రానా కూడా డ్రైవర్ లా కాకుండా ఇంటి మనిషిలా ట్రీట్ చేస్తుంటాడు. రీసెంట్ గానే ఈ సినిమాలో దర్శకుడు వివి వినాయక్ క్యామియో చేస్తున్నట్లు వార్తలు బయటకొచ్చాయి.
ఈ సినిమాతో ప్రేక్షకులను థ్రిల్ చేయడానికి దర్శకనిర్మాతలు చాలా ప్రయత్నాలు చేస్తున్నట్లు అనిపిస్తుంది. సితార ఎంటర్టైన్మెంట్స్ పతాకంపై సూర్యదేవర నాగవంశీ నిర్మిస్తున్న ఈ సినిమాకి త్రివిక్రమ్ మాటలు, స్క్రీన్ ప్లే అందిస్తున్నారు. థమన్ సంగీతం అందిస్తోన్న ఈ సినిమా రెగ్యులర్ షూటింగ్ త్వరలోనే మొదలుకానుంది.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
