Abhinaya: విశాల్ తో ప్రేమ.. నటి అభినయ తేల్చి చెప్పేసింది..!

తమిళనాడుకు చెందిన అమ్మాయే అయినప్పటికీ తెలుగు సినిమాలతోనే మంచి పాపులారిటీ తెచ్చుకుంది అభినయ (Abhinaya). చూడటానికి చక్కగా ఉండే.. ఈమె మాట్లాడలేదు అలాగే ఎవరు మాట్లాడినా ఈమెకు వినపడదు. కేవలం సైన్ లాంగ్వేజ్ తోనే ఈమెతో కమ్యూనికేట్ అవ్వగలం. అయితే ‘దమ్ము’ (Dammu) ‘సీతమ్మ వాకిట్లో సిరిమల్లె చెట్టు’ (Seethamma Vakitlo Sirimalle Chettu) వంటి చిత్రాల్లో ఈమె చెల్లెలి పాత్రలో బాగా నటించింది. అందువల్ల ఆమెను తెలుగు ప్రేక్షకుల్లో ఎక్కువ శాతం అబ్బాయిలు ఈమెను సోదరిలా భావిస్తూ ఉంటారు. ఇటీవల ఈమె నటించిన ‘పని’ (Pani) అనే సినిమా రిలీజ్ అయ్యింది.

Abhinaya

అందులో ఈమెపై అత్యాచారం చేస్తున్నట్టు ఓ సీన్ ఉంటుంది. అది చూసి తట్టుకోలేక చాలా మంది సోషల్ మీడియాలో ఎమోషనల్ కామెంట్స్ చేశారు. ఇదిలా ఉండగా.. చాలా కాలంగా అభినయ హీరో విశాల్ తో (Vishal ) ప్రేమలో ఉన్నట్లు ప్రచారం జరుగుతోంది. వీళ్ళిద్దరూ ఒకటి, రెండు సినిమాల్లో కలిసి నటించారు. అసలు ఈ రూమర్స్ రావడానికి కారణం కూడా లేకపోలేదు. పలు సందర్భాల్లో ‘హీరో విశాల్ అంటే తనకు చాలా ఇష్టమని.

నా అభిమాన నటుడు. అతన్ని చూసి చాలా నేర్చుకున్నాను’ అంటూ చెప్పుకొచ్చింది. వాస్తవానికి హీరోయిన్లలో విశాల్ గురించి ఇలా చెప్పిన వాళ్ళు చాలా తక్కువ. అందులోనూ వీళ్ళు సన్నిహితంగా ఉన్నట్లు కూడా కోలీవుడ్ మీడియా చెప్పుకొచ్చింది. అయితే ఇందులో నిజం లేదు, విశాల్ నాకు స్నేహితుడు మాత్రమే అని అభినయ తన సైన్ లాంగ్వేజ్ తో ఓ ఇంటర్వ్యూలో చెప్పుకొచ్చింది.

అలాగే ‘నేను 15 ఏళ్లుగా కలిసి చదువుకున్న స్నేహితుడిని ప్రేమిస్తున్నాను, త్వరలోనే అతడిని పెళ్లి చేసుకుంటాను’ అంటూ తెలిపింది అభినయ. అయితే ఆమె ప్రేమిస్తున్న అబ్బాయ్ ఎవరు అన్నది మాత్రం ఈమె చెప్పలేదు.