పలు షార్ట్ ఫిలిమ్స్ ద్వారా పాపులర్ అయిన అనన్య నాగళ్ళ తర్వాత.. ‘మల్లేశం’ చిత్రం ద్వారా హీరోయిన్ గా ఎంట్రీ ఇచ్చింది. ఆ మూవీలో తెలంగాణ అమ్మాయిగా చాలా నేచురల్ గా నటించింది. తర్వాత ‘పే బ్యాక్’ వంటి డిఫరెంట్ కాన్సెప్ట్ ఓరియెంటెడ్ మూవీలో కూడా నటించింది. అయితే పవన్ కళ్యాణ్ ‘వకీల్ సాబ్’ చిత్రం ఈమెకు మంచి క్రేజ్ ను తెచ్చిపెట్టింది. దానిని క్యాష్ చేసుకోవాలని ఈమె అహర్నిశలు ప్రయత్నిస్తుంది. ఈ మధ్యన వరుసగా ఫోటో షూట్లలో పాల్గొంటూ ఈమె బిజీగా గడుపుతుంది. గ్లామర్ షోకి వెనుకాడనని ఈ ఫోటో షూట్ల ద్వారా ఈమె హింట్ ఇస్తుంది.
ఈ విషయాలను పక్కన పెడితే.. ఇటీవల అనన్య నాగళ్ళ టాలీవుడ్ ఇండస్ట్రీ గురించి తెలుగమ్మాయిలకు ఇండస్ట్రీలో ఎదురయ్యే అనుభవాల గురించి చేసిన కామెంట్స్ వైరల్ అవుతున్నాయి. అనన్య మాట్లాడుతూ.. ” ‘తెలుగు అమ్మాయిలకు తెలుగులో అవకాశాలు వెంటనే రావు, ముందు వేరే భాషల్లో సినిమాలు చేసి పాపులర్ అయితే ఇక్కడ ఆఫర్లు మరియు రెస్పెక్ట్ లభిస్తుంది’ అని కొత్త హీరోయిన్స్ మధ్య డిస్కషన్స్ జరుగుతుంటాయి.నేను అది ఎక్కువగా గమనించాను. అలాగే ‘తెలుగు అమ్మాయిలు సినిమాలకు సరిగ్గా సపోర్ట్ చేయరు. ఆటిట్యూడ్ చూపిస్తారు’ అనే ముద్ర కూడా ఎప్పటినుండో ఉంది. దాని వల్ల కూడా మాకు అవకాశాలు రావడం కష్టమవుతోంది. అంతకుమించి ఇండస్ట్రీలో మాకేం ఇతర సమస్యలు లేవిక్కడ.
సినిమా నచ్చితే నటించడానికి హద్దులేం పెట్టుకోము. ఇలాగే కనిపించాలనే రూల్స్ ఏమీ నాకు లేవు.ఇండస్ట్రీలో అమ్మాయిలకు వేధింపులు ఎదురవుతుంటాయని నేనూ విన్నాను. మొదట్లో ఆ భయం నాకు ఉండేది. కానీ నాకెప్పుడూ అలాంటి సందర్భాలు ఎదురుకాలేదు. నేను ఇండస్ట్రీకి రావడం కష్టమయ్యింది కానీ ఇక్కడికొచ్చాక చేదు సంఘటనలు ఎదురుకాలేదు. ఇక పవన్ కళ్యాణ్ గారితో వర్క్ ఎక్స్పీరియన్స్ నేను జన్మలో మర్చిపోలేను.మళ్ళీ ఆయనతో కలిసి నటించే అవకాశం ఎప్పుడొస్తుందా అని నేను ఆసక్తిగా ఎదురుచూస్తున్నాను. నిజానికి ‘వకీల్ సాబ్’ లో నేను నటిస్తాను అని కలలో కూడా అనుకోలేదు. కానీ అవకాశం వచ్చింది. భవిష్యత్తులో కూడా మళ్ళీ అవకాశం వస్తుందేమో అది భవిష్యత్తుకే వదిలేసి ప్రస్తుతానికైతే నా పని నేను చేసుకుంటూ పోతున్నాను” అంటూ చెప్పుకొచ్చింది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
