మొన్న మార్నింగ్‌ మస్తీలో భాగంగా ‘ఓపెన్‌ హార్ట్‌ విత్‌ దివి’ జరిగిన విషయం గుర్తుందా? అందులో దివి అందరి గురించి చెప్పింది కానీ… ఒకరి ప్రస్తావన రాలేదు. ఆ ఒక్కరి గురించి ఎందుకు చెప్పలేదబ్బా.. అని అందరూ అనుకున్నారు. అసలు దివి ఆ వ్యక్తి గురించి ఏమీ చెప్పలేదా? లేక చెప్పొద్దు అనుకుందా? చెప్పేంతగా ఏమీ లేవా అంటూ రకరకాల వాదనలు వినిపించాయి. అయితే దానికి సమాధానం ఇప్పుడు దొరికింది. ఇంతకీ ఆ వ్యక్తి ఎవరు అనేగా… ఇంకెవరు ఇప్పటికీ బిగ్బాస్ ఉండీ లేనట్లుగా ఉన్న మెహబూబ్‌. మరి ఇంతకీ మెహబూబ్‌ గురించి దివి ఏం చెప్పిందనేగా…
ఈ అభిప్రాయం తెలియజేసే కాన్సెప్ట్‌ టాస్క్‌లో దివి తొలుత చెప్పింది మెహబూబ్‌ గురించే. అయితే అది టెలీకాస్ట్‌ చేయలేదు. అన్‌సీన్‌ వీడియోస్‌లో ఉంచారు. ‘‘మెహబూబ్‌ నాకు ఇప్పటికే ఫ్రెండ్‌ అయ్యాడు. ఎమోషన్స్‌ను హైడ్‌ చేసుకోలేడు. ఏదైనా ఫేస్‌లో కనిపించేస్తుంది. కోపం వచ్చినా , నవ్వు వచ్చినా, యాక్టివ్‌గా ఉన్నా, టెన్సన్‌లో ఉన్నా కనిపిస్తుంది. మన పక్కన ఉన్నవాళ్లకు మనం ఏమనుకుంటున్నామో పూర్తిగా తెలిసేలా ఎమోషన్స్‌ను కొంచెం దాచుకోవాలి. అలా చేస్తే బాగుంటుంది’’ అని చెప్పింది. అంటే దివి, మెహబూబ్‌ బాగా ఫ్రెండ్స్‌ అయ్యారన్నమాట.
అందరి గురించి చెప్పడంతోపాటు దివి తన గురించి తాను చెప్పుకుంది. ఈ క్రమంలో ఇంటి గురించి, ఇంట్లో వాళ్ల గురించి షాకింగ్‌ కామెంట్స్‌ చేసింది. ఇంట్లో 20 శాతం కలిసుంటే… 80 శాతం గొడవలు పడుతున్నారని ఘాటుగా చెప్పింది. నిద్ర పోదామనుకొని బెడ్‌ మీదకు వెళ్లినా… ఆ పక్కన కూర్చొని ఏదో విషయం మాట్లాడుతూనే ఉన్నారు. నాకు మామూలుగానే ఒంటరిగా ఉండటం ఇష్టం. ఇంట్లోనే నాకంటూ ప్రయివేట్‌ స్పేస్‌ ఉంచుకుంటాను. కానీ ఇంట్లో అలాంటి పరిస్థితి లేదు. అయినా నామినేషన్ టైమ్‌లో నేను ఎవరితోనూ కలవడం లేదని చెప్పారని అందరితో మాట్లాడుతున్నాను., నేను మార్చుకుంటున్నాను, నన్ను నేను ఇంప్రూవ్‌ చేసుకోవాలి అనుకుంటున్నాను’’ అని తన గురించి చెప్పింది దివి.
Most Recommended Video
బిగ్బాస్ 4 కంటెస్టెంట్స్ గురించి మీకు తెలియని ఆసక్తికరమైన విషయాలు!
బిగ్బాస్ ఇంట్లో అభిజీత్‌ లాంటోడు ఉండాల్సిందే!
బిగ్ బాస్ 4 నామినేషన్: కిటికీల ఆటలో తలుపులు మూసేసింది ఎవరికంటే?
