ఆ నెటిజెన్ ను అరెస్ట్ చేయాలంటూ పోలీసులకు ఫిర్యాదు చేసిన హీరోయిన్..!

June 10, 2022 / 06:06 PM ISTByFilmy Focus

Join Us

ఆ నెటిజెన్ ను అరెస్ట్ చేయాలంటూ పోలీసులకు ఫిర్యాదు చేసిన హీరోయిన్..!

కళ్యాణ్ రామ్ హీరోగా నటించిన ‘అభిమన్యు’ చిత్రం తో తెలుగు ప్రేక్షకులకు పరిచయమైన రమ్య అలియాస్ దివ్య స్పందన ఆ తర్వాత పలు తెలుగు డబ్బింగ్ సినిమాలతో కూడా ప్రేక్షకులను పలకరిస్తూ ఉండేది. ఈ కన్నడ నటి తమిళంలో కూడా ఎంట్రీ ఇచ్చి అక్కడ స్టార్‌ డంను సంపాదించుకుంది.కొన్నాళ్ల తర్వాత సినిమాలకి గుడ్ బై చెప్పేసి రాజకీయాల్లోకి ఎంట్రీ ఇచ్చింది. కాంగ్రెస్‌ పార్టీ ఎంపీగా చేసిన ఈమె.. తర్వాత బీజేపీ అధికారంలోకి రావడంతో రాజీనామా చేసింది.

ప్రస్తుతం ఈమె సినిమాలకు, రాజకీయాలకి కూడా దూరంగా ఉంటూ వస్తోంది. అయితే సోషల్‌ మీడియాలో మాత్రం యాక్టివ్ గానే ఉంటుంది. ఏదో ఒక పోస్ట్ పెడుతూ అభిమానులతో టచ్ లో ఉంటుంది. అయితే ఇటీవల ఈమెకి ఓ చేదు అనుభవం ఎదురైనట్టు తెలుస్తుంది. ఓ వ్యక్తి రమ్య ని అస్లీల కామెంట్స్ తో వేధిస్తున్నాడట. తరచూ ఆమె ఇలా నెగిటివ్ కామెంట్స్ చేస్తూ ఇబ్బంది పెడుతున్నట్లు ఆమె బెంగళూరు పోలీసులకు ఫిర్యాదు చేసింది.

పూర్తి వివరాల్లోకి వెళితే… రష్మిక మాజీ బాయ్ ఫ్రెండ్ రక్షిత్‌ శెట్టి నటించిన ‘చార్లీ 777 మూవీ’ ప్రివ్యూ చూసిన రమ్య బాగుందంటూ ట్వీట్ చేసింది. దీనికి ఓ నెటిజన్‌ అశ్లీలమైన కామెంట్‌ చేశాడు. దీంతో రమ్య… ‘తరచూ ఇలా తనని అసభ్యకరమైన కామెంట్లు చేస్తూ తనని వేదిస్తున్నందుకు గాను అతన్ని అరెస్టు చేయాలంటూ బెంగళూరు పోలీసులని కోరింది రమ్య. ఆమె కంప్లైంట్ ను పోలీసులు స్వీకరించి ఆ నెటిజెన్ ను అదుపులోకి తీసుకోవాలి అని ప్రయత్నాలు మొదలుపెట్టారు.