పవన్, త్రివిక్రమ్ సినిమాలో కీలక రోల్ చేయనున్న మరో సీనియర్ నటి

జల్సా, అత్తారింటికి దారేది వంటి సూపర్ హిట్స్ ఇచ్చిన డైరక్టర్ త్రివిక్రమ్ తో పవన్ కళ్యాణ్ చేస్తున్న మూడో సినిమా వేగంగా షూటింగ్ జరుపుకుంటోంది. సాఫ్ట్ వేర్ ఇంజినీర్ గా పవన్ నటిస్తున్న ఈ చిత్రంలో అను ఇమ్మానియేల్, కీర్తి సురేష్ లు హీరోయిన్లుగా అందాలు ఆరబోయనున్నారు. ఒక ప్రధాన పాత్రలో అలనాటి హీరోయిన్ కుష్బూ నటిస్తోంది. అత్తారింటికి దారేది చిత్రంలో నదియా పోషించిన పాత్ర మాదిరిగా ఇది పవర్ ఫుల్ పాత్ర అని సమాచారం. వీరితో పాటు మరో మాజీ హీరోయిన్ కూడా ఇందులో కీలక క్యారక్టర్ లో మెరవనుంది.

ఆమె ఎవరో కాదు జీను ఫ్యాన్ట్ బుల్లెమ్మా ఇంద్రజ. హీరోయిన్ గా అవకాశాలు తగ్గి సినిమాలకు దూరమైన ఈమె శతమానం భవతి మూవీ ద్వారా రీ ఎంట్రీ ఇచ్చింది. అందులో హీరోయిన్ తల్లిగా నటించింది. ఈ సినిమాలోనూ తల్లి పాత్ర అయి ఉంటుందని ఫిలింనగర్ వాసులు అంచనా వేస్తున్నారు. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీపై భారీ అంచనాలు ఉన్నాయి.

Also, do SUBSCRIBE to our YouTube channel to get latest Tollywood updates.