Jayasudha: సహజనటి జయసుధ ఇలా అయిపోయిందేంటి.. ఫోటోలు వైరల్..!

September 16, 2021 / 05:53 PM ISTByFilmy Focus

Join Us

Jayasudha: సహజనటి జయసుధ ఇలా అయిపోయిందేంటి.. ఫోటోలు వైరల్..!

సహజనటి జయసుధ అందరికీ సుపరిచితమే. ఒకప్పుడు స్టార్ హీరోయిన్ గా ఓ వెలుగు వెలిగిన ఈమె అటు తర్వాత క్యారెక్టర్ ఆర్టిస్ట్ గా మారి ఎన్నో సూపర్ హిట్ సినిమాల్లో నటించారు. అప్పట్లో ఈమె స్టార్ హీరోయిన్ గా ఎంత బిజీగా ఉన్నారో అటు తర్వాత క్యారెక్టర్ ఆర్టిస్ట్ గా మారిన తర్వాత కూడా అంతే బిజీగా గడుపుతూ వచ్చారు. ఈమె అసలు పేరు సుజాత అయినప్పటికీ నటిగా మారాక జయసుధగా పేరు మార్చుకున్నారు.

కృష్ణగారి రెండో భార్య మరియు ప్రముఖ నటి,దర్శకురాలు, నిర్మాత అయిన విజయనిర్మల గారికి ఈమెకు మేనకోడలు అవుతారు. 1972 వ సంవత్సరంలో వచ్చిన ‘పండంటి కాపురం’ సినిమా ద్వారా జయసుధ నటిగా పరిచయమయ్యారు. ఈమె 49 సంవత్సరాల నట జీవితంలో 300లకు పైగా సినిమాల్లో నటించారు.తమిళ,మలయాళ, హిందీ,కన్నడ సినిమాల్లో కూడా ఈమె నటించడం విశేషం. జయసుధ 1985లో నితిన్ కపూర్ అనే హిందీ నటుడిని ఈమె వివాహం చేసుకుంది. వీళ్లకు ఇద్దరు సంతానం. వాళ్ళ పేర్లు నిహార్,శ్రేయంత్.

అయితే 2017 వ సంవత్సరంలో జయసుధ భర్త నితిన్ కపూర్.. ఓ బిల్డింగ్ పై నుండీ దూకి ప్రాణాలు కోల్పోయారు. ఆయన డిప్రెషన్ కు గురి అవ్వడం మూలానే అలా బలవన్మరణానికి పాల్పడినట్టు వార్తలు వచ్చాయి. జయసుధ భర్త చనిపోయాక ఆమె సినిమాలు బాగా తగ్గించారు.2019 డిసెంబర్ లో వచ్చిన ‘రూలర్’ తర్వాత ఈమె మరో సినిమాలో కనిపించలేదు. ఈమె లేటెస్ట్ ఫోటో ఒకటి సోషల్ మీడియాలో వైరల్ అవుతుంది. ఆ ఫొటోలో ఈమె గుర్తుపట్టలేని విధంగా ఉంది. ‘ఈమె జయసుధేనా?’ అంటూ నెటిజన్లు షాక్ అవుతున్నారు.