దివంగత స్టార్ డైరెక్టర్ ఇ.వి.వి.సత్యనారాయణ దర్శకత్వంలో శ్రీకాంత్, నవీన్ లు హీరోలుగా తెరకెక్కిన చిత్రం ‘చాలా బాగుంది’. ఈ మూవీలో శ్రీకాంత్ కు జోడీగా నటించిన మాళవిక అందరికీ గుర్తుండే ఉంటుంది.2000 వ సంవత్సరంలో వచ్చిన ఈ మూవీ పెద్ద హిట్ అయ్యింది. ఇక ఈ మూవీలో నెగిటివ్ రోల్ పోషించిన బెంగుళూర్ బ్యూటీ మాళవికకి మంచి మార్కులు పడ్డాయి. దాంతో తెలుగులో ఈమెకు మంచి ఆఫర్లే లభించాయి. ‘దీవించండి’ ‘అప్పారావు డ్రైవింగ్ స్కూల్’ ‘నవ్వుతూ బతకలిరా’ ‘చంద్రముఖి’ ‘శుభ కార్యం’ వంటి హిట్ సినిమాల్లో ఈమె నటించింది.
నిజానికి ఈమె తెలుగు కంటే ముందే తమిళ సినిమాల్లో నటించింది. 1999లో సుందర్‌. సి డైరెక్షన్‌లో అజిత్‌ హీరోగా ‘ఉన్నై తేడి’ మూవీతో ఈమె తమిళ్ ఆడియెన్స్ కు పరిచయమైంది మాళవిక., కన్నడ,హిందీ, మలయాళం భాషల్లో కలుపుకుని 40కి పైగా సినిమాల్లో నటించిన మాళవిక ఓ తెలుగు సీనియర్ హీరో తనని లైంగికంగా ఇబ్బంది పెట్టాడని ఆరోపణలు చేసి టాలీవుడ్ కు దూరమైంది. అయితే ఇన్నాళ్ళ తర్వాత మళ్ళీ ఈమె రీ ఎంట్రీ ఇవ్వడానికి రెడీ అయ్యింది.
అయితే అది తెలుగులో కాదు తమిళంలో మాత్రమే. తెలుగులో ఈమె నటించే అవకాశాలు లేనట్టే కనిపిస్తున్నాయి.ఇక తమిళ్ లో అయితే ఏ దర్శకుడితో ఈమె ఎంట్రీ ఇచ్చిందో మళ్ళీ అదే దర్శకుడితో ఈమె రీ ఎంట్రీ ఇవ్వడానికి రెడీ అయ్యింది. ఈ ప్రాజెక్టులో ఆమె దర్శకుడు మనోబలాకి జోడీగా మంగమ్మ అనే పాత్రలో కనిపించనుందని సమాచారం. ఈ మూవీలో హీరోలుగా జై, జీవా, శ్రీకాంత్ లు నటిస్తుండగా హీరోయిన్లుగా అమృత అయ్యర్‌, రైజా విల్సన్‌, ఐశ్వర్య దత్తా లు నటిస్తున్నారు. షూటింగ్ స్పాట్ లో ఉండగా మాళవిక దిగిన ఓ ఫోటో సోషల్ మీడియాలో హల్ చల్ చేస్తుంది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
