Nithya Menen: కానీ నాలో దైవ భక్తి ఎవరి ప్రమేయం లేకుండానే వచ్చేసింది: నిత్యా మీనన్

విలక్షణమైన నటనతో ‘అలా మొదలైంది’ అనే చిత్రం ద్వారా తెలుగు తెరకి హీరోయిన్ గా పరిచయమైనా హీరోయిన్ నిత్య మీనన్ ఇప్పటి వరకు ఎన్నో అద్భుతమైన పాత్రలు పోషిస్తూ వచ్చింది. ఆమె హీరోయిన్ గా నటించిన సినెమాలన్నిట్లో హీరోకి ఎంత ప్రాధాన్యం ఉంటుందో, నిత్యా మీనన్ కి కూడా అంతే ప్రాధాన్యం ఉంటుంది. అలా ఉంటేనే ఆమె ఒక సినిమాకి సంతకం చేస్తుంది, లేకపోతే ఎంత పెద్ద స్టార్ హీరో సినిమా అయినా ఒప్పుకోదు.

అలా గతం లో ఎన్నో సంఘటనలు జరిగాయి. గత ఏడాది పవర్ స్టార్ పవన్ కళ్యాణ్ హీరో గా నటించిన భీమ్లా నాయక్ చిత్రం లో పవన్ కళ్యాణ్ కి జోడిగా నటించిన నిత్యా మీనన్, ఆ తర్వాత మళ్లీ తెలుగు తెరకి కనిపించలేదు. ప్రస్తుతం విరామం తీసుకుంటున్న నిత్యా మీనన్ వచ్చే ఏడాది నుండి మళ్లీ సినిమాలతో బిజీ కాబోతుంది. ఇదంతా పక్కన పెడితే రీసెంట్ గా ఆమె ఇచ్చిన ఒక ఇంటర్వ్యూ లో తనకి సంబంరందించిన కొన్ని ఆసక్తికరమైన విషయాలను చెప్పుకొచ్చింది.

ఆమె మాట్లాడుతూ ‘చిన్నప్పటి నుండి నన్ను ఇంట్లో దేవుడికి దూరంగా పెంచుతూ వచ్చారు. నా తల్లితండ్రులు ఇద్దరూ నాస్తికులు. ఇప్పటి వరకు మేము ఉన్న ఇళ్లల్లో కనీసం పూజ గది కూడా లేదు. సాధారణంగా తల్లితండ్రులు పెంచిన పెంపకం బట్టి అలవాట్లు ఉంటాయని అందరూ అంటూ ఉంటారు. కానీ చిన్నతనం నుండి నాస్తికత్వం తో నన్ను పెంచినప్పటికీ, ఎందుకో నాలో దైవ భక్తి ఎవరి ప్రమేయం లేకుండానే వచ్చేసింది.

దేవుడికి మొక్కనిదే ఇప్పుడు నేను ఏ పని ప్రారంభించడం లేదు’ అంటూ చెప్పుకొచ్చింది. ఆమె మాట్లాడిన మాటలు ఇప్పుడు సోషల్ మీడియా లో హాట్ టాపిక్ గా మారాయి. ఇంత నాస్తికత్వం ఉన్న కుటుంబం లో పెరిగినా కూడా నిత్యా మీనన్ (Nithya Menen) దేవుడి పట్ల చూపిస్తున్న భక్తిపై సోషల్ మీడియా లో నెటిజెన్స్ నుండి ప్రశంసల వర్షం కురుస్తుంది.

మా ఊరి పొలిమేర 2 సినిమా రివ్యూ & రేటింగ్!

కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!