అందువల్లే ఎక్కువ సినిమాల్లో కనిపించడం లేదు :స్టార్‌ హీరోయిన్.!

ప్రియా వడ్లమాని (Priya Vadlamani) పరిచయం అవసరం లేని పేరు. ‘హుషారు’ (Hushaaru) లో ‘ఉండిపోరాదే..’ అనే సాంగ్ ఎంత పాపులర్ అయ్యిందో అందరికీ తెలుసు. అందులో అందాలు వడ్డించి ఈమె ఇంకా ఫేమస్ అయ్యింది. దానికి ముందు ‘ప్రేమకు రెయిన్ చెక్’ ‘శుభలేఖలు’ ‘ఆవిరి’, ‘కాలేజ్ కుమార్’ వంటి చిత్రాలు కూడా చేసింది. 2022 చివర్లో వచ్చిన ‘ముఖచిత్రం’ లో (Mukhachitram) ఈమె ఫుల్ లెంగ్త్ లీడ్ రోల్ చేసింది. సోషల్ మీడియాలో ఎక్కువగా అందాలు ఆరబోస్తూ ఈమె ఎక్కువగా వార్తల్లో నిలుస్తూ వచ్చేది.

కానీ ఎందుకో ఈ మధ్య బాగా సైలెంట్ అయిపోయింది. ఎక్కువ సినిమాల్లో కనిపించడం లేదు. చివరిగా శ్రీవిష్ణు (Sree Vishnu) ‘ఓం భీం బుష్’ (Om Bheem Bush) సినిమాలో ఓ పాటలో మెరిసింది. అయితే సడన్ గా ఈమె.. ‘వీరాంజనేయులు విహారయాత్ర’ టీజర్ లాంచ్ లో మెరిసింది. ఈ సినిమాలో ఆమె కూడా ఓ ముఖ్య పాత్ర పోషిస్తుంది. ఇక ఈరోజు జరిగిన టీజర్ లాంచ్ లో ఆమె లుక్స్ చూసి చాలా మంది ఆశ్చర్యపోయారు. ఎందుకంటే.. ఇప్పుడు ఆమె కొంచెం బొద్దుగా మారింది. ఇది వరకు చాలా సన్నగా ఉండే ఆమె సడన్ గా ఇలా మారడం అందరికీ షాకిచ్చినట్టు అయ్యింది.

ఇదే క్రమంలో ఆమె ఎందుకు ఎక్కువ సినిమాల్లో కనిపించడం లేదు అనే ప్రశ్నలు ఎదుర్కొంది. ‘వాస్తవానికి తనకి ఎక్కువ ఆఫర్లు రావడం లేదు అని, అందుకే ఎక్కువ సినిమాల్లో కనిపించడం లేదు. నాకు వచ్చిన పాత్రల్లో వాటిలో… నా ఫ్యామిలీ గర్వించదగ్గ పాత్రలే చేయాలని నిర్ణయించుకున్నట్లు’ తెలిపింది. అలాగే గోపీచంద్ (Gopichand) – శ్రీను వైట్ల (Srinu Vaitla) కాంబినేషన్లో తెరకెక్కుతున్న ‘విశ్వం’ (Viswam) మూవీలో కూడా అతిథి పాత్ర పోషిస్తున్నట్లు రివీల్ చేసింది.