టాలీవుడ్ హీరోయిన్ రెజీనా (Regina Cassandra) …. పరిచయం అవసరం లేని పేరు. సుధీర్ బాబు (Sudheer Babu) హీరోగా ఎంట్రీ ఇచ్చిన ‘శివ మనసులో శృతి'(ఎస్.ఎం.ఎస్) చిత్రంతో హీరోయిన్ గా ఎంట్రీ ఇచ్చింది ఈ చెన్నై బ్యూటీ. ఆ తర్వాత సందీప్ కిషన్ (Sundeep Kishan) తో ‘రొటీన్ లవ్ స్టోరీ’ (Routine Love Story) , రవితేజతో (Ravi Teja) ‘పవర్’ (Power), సాయి ధరమ్ తేజ్ (Sai Dharam Tej) తో ‘పిల్లా నువ్వు లేని జీవితం’ (Pilla Nuvvu Leni Jeevitam) ‘సుబ్రహ్మణ్యం ఫర్ సేల్’ (Subramanyam for Sale) .. వంటి పెద్ద సినిమాల్లో నటించింది.’అ!’ (Awe) ‘ఎవరు’ (Evaru) వంటి సినిమాల్లో కూడా డిఫరెంట్ రోల్స్ చేసింది.
కానీ ఎందుకో ఈ అమ్మడు తెలుగులో స్టార్ డం సంపాదించుకోలేకపోయింది. ఆ తర్వాత తెలుగులో కూడా ఈ అమ్మడు సినిమాలు తగ్గించింది. అలా అని మరీ కనిపించకుండా ఉన్నది లేదు. మరో 2 రోజుల్లో ఈ అమ్మడు ‘ఉత్సవం’ (Utsavam) అనే సినిమాతో ప్రేక్షకుల ముందుకు రానుంది. ప్రకాష్ రాజ్ (Prakash Raj) ,బ్రహ్మానందం (Brahmanandam) వంటి స్టార్లు ఈ సినిమాలో నటించారు. ఇక ఈ సినిమా ప్రమోషన్స్ లో భాగంగా తాజాగా మీడియా సమావేశం ఏర్పాటు చేశారు. ఈ క్రమంలో రెజీనాకి (Regina Cassandra) ‘ఎందుకు ఇంత గ్యాప్ ఇచ్చారు?’ అనే ప్రశ్న ఎదురైంది.
ఇది ఆమెకు చాలా చిరాకు తెప్పించింది. దీనికి ఆమె ‘నేను సినిమాలు తగ్గించలేదు. కొంచెం నా సినిమాలను కూడా పట్టించుకోండి’ అంటూ ఘాటుగా స్పందించింది. ఆ తర్వాత కొంచెం కంట్రోల్ చేసుకుని.. ‘ఒకవేళ మీకు నా నుండి సినిమాలు తగ్గాయి అని అనిపిస్తే.. నా ప్లానింగ్ ని మార్చుకోవడానికి ప్రయత్నిస్తాను’ అంటూ కవర్ చేసింది. అయితే వాస్తవానికి రెజీనా (Regina Cassandra).. పక్క భాషల్లో వరుస ప్రాజెక్టులు చేస్తుంది. గోపీచంద్ మలినేని బాలీవుడ్లో తెరకెక్కిస్తున్న సినిమాలో కూడా లీడ్ రోల్ చేస్తుంది ఈ బ్యూటీ.
Home