MAA Elections: మా ఎన్నికల్లో రోజా ఓటు అతనికేనా?

ఏపీలో అధికారంలో ఉన్న వైసీపీ పార్టీలో వరుసగా రెండోసారి నగరి నియోజకవర్గానికి ఎమ్మెల్యేగా ఎన్నికై నగరి నియోజకవర్గ అభివృద్ధి కోసం రోజా ఎంతో కృషి చేస్తున్నారనే సంగతి తెలిసిందే. సినిమాల్లో ఎక్కువగా నటించకపోయినా బుల్లితెర కామెడీ షో జబర్దస్త్ కు మాత్రం రోజా జడ్జిగా కొనసాగుతూనే ఉన్నారు. తాజాగా రోజా “మా” ఎన్నికల గురించి స్పందిస్తూ ఆసక్తికర విషయాలను వెల్లడించారు. మూవీ ఆర్టిస్ట్ అసోసియేషన్ ఎన్నికల్లో పాల్గొని ఓటు హక్కును ఖచ్చితంగా వినియోగించుకుంటానని ఆమె చెప్పుకొచ్చారు.

మూవీ ఆర్టిస్ట్ అసోసియేషన్ ను, అసోసియేషన్ లోని సభ్యులను అభివృద్ధి చేసే ప్రణాళికలను కలిగి ఉన్న మేనిఫెస్టోలోని సభ్యులకు మాత్రమే తాను ఓటు వేస్తానని రోజా వెల్లడించారు. ఎవరైతే అభివృద్ధి చేస్తారో వారికే తన ఓటు అని రోజా కామెంట్లు చేయడం గమనార్హం. లోకల్, నాన్ లోకల్ విషయం గురించి ప్రశ్నలు ఎదురు కాగా వివాదాస్పద ప్రశ్నలు అడగవద్దని రోజా అన్నారు. రాజకీయ ఎన్నికలతో పోలిస్తే “మా” ఎన్నిక‌లు వాడి వేడిగా జరుగుతున్నాయని ఆమె పేర్కొన్నారు.

మూవీ ఆర్టిస్ట్ అసోసియేషన్ ఎన్నికల్లో వేలు పెట్టాలని అనుకోవడం లేదని రోజా చెప్పుకొచ్చారు. అయితే పోటీ చేస్తున్న వారిలో విష్ణు సీఎం జగన్ కు సన్నిహితుడు కావడంతో అతనికే రోజా ఓటు వేస్తారని నెటిజన్లు అభిప్రాయపడుతున్నారు. రోజా మాత్రం నోరు విప్పి చెప్పకపోవడంతో ఆమె ప్రకాష్ రాజ్ కు ఓటు వేసినా ఆశ్చర్యపోవాల్సిన అవసరం లేదు. ఈ ఏడాది జరిగే ఎన్నికల్లో ఎక్కుమంది సెలబ్రిటీలు ఓటుహక్కును వినియోగించుకునే అవకాశాలు ఉన్నాయి.

కొండ పొలం సినిమా రివ్యూ & రేటింగ్!

Most Recommended Video

సమంత- నాగచైతన్య మాత్రమే కాదు టాలీవుడ్లో ఇంకా చాలా మంది ఉన్నారు..!
‘రిపబ్లిక్’ మూవీలో గూజ్ బంప్స్ తెప్పించే డైలాగులు ఇవే..!
టాలీవుడ్ స్టార్ హీరోల ఇష్టమైన కార్లు..వాటి ధరలు