స్టార్ హీరోయిన్ గా ప్రస్తుతం ఎంతో గొప్ప క్రేజ్ తో దూసుకెళ్తున్న సమంత, తొలిసారిగా నాగచైతన్య హీరోగా గౌతమ్ మీనన్ తీసిన ఏ మాయ చేసావే సినిమా ద్వారా టాలీవుడ్ కి హీరోయిన్ గా ఎంట్రీ ఇచ్చారు. ఫస్ట్ మూవీ తోనే హీరోయిన్ గా అందరి నుండి మంచి పేరు దక్కించుకున్నారు సమంత. ఆ తరువాత వరుసగా ఛాన్స్ లతో ఎన్నో సక్సెస్ఫుల్ సినిమాలు చేసిన సమంత, ఆపై అక్కినేని నాగ చైతన్య ని ప్రేమించి వివాహం చేసుకున్నారు.
నాలుగేళ్లుగా ఈ జంట ఎంతో హ్యాపీగా లైఫ్ ని గడుపుతున్నారు. అయితే వివాహం తరువాత తన సోషల్ మీడియా అకౌంట్స్ పేరుని సమంత రూత్ ప్రభు నుండి అక్కినేని సమంతగా మార్చుకున్నారు ఆమె. అయితే కొద్దిరోజుల క్రితం సడన్ గా తన సోషల్ మీడియా ఖాతాల పేరుని ఎస్ గా మార్చుకున్నారు సమంత. దానితో ఇటీవల కొన్నాళ్లుగా మీడియా సర్కిల్స్ లో వైరల్ అవుతున్న న్యూస్ ని బట్టి, నాగ చైత్నన్య సమంతల మధ్య కొన్ని విబేధాలు వచ్చాయని, త్వరలో వారిద్దరూ విడిపోనున్నారు అంటూ పుకార్లు షికారు చేసాయి.
కాగా ఈ విషయమై మీరు స్పందించాలని అంటూ రెండు రోజుల నుండి పలువురు నెటిజన్లు సమంత కి సోషల్ మీడియా అకౌంట్స్ లో మెసేజెస్ చేస్తున్నారు. తనకు కొన్ని విషయాల పై సమాధానం ఇవ్వాలనిపించదని, సంబంధిత విషయాలపై తనకు జవాబివ్వాలనిపిస్తే ఇస్తానని, లేదంటే లేదని ఈ విషయమై సమంత గట్టిగా తన సన్నిహితులకు చెప్పినట్లు సమాచారం. మొత్తంగా ప్రస్తుతం ఈ మ్యాటర్ సోషల్ మీడియాలో వైరల్ అవుతుండడంతో దీనిపై నాగ చైతన్య ఏమైనా స్పందిస్తారేమో చూడాలని అంటున్నారు విశ్లేషకులు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
