తన తాజా చిత్రంలో క్యారెక్టర్ గురించి క్లారిటీ ఇచ్చిన టబు

తెలుగు, తమిళ, హిందీ, మలయాళ భాషల్లోని కథానాయకులందరితోనూ నటించడమే కాక.. కొన్నేళ్లపాటు తన అందాలతో అలరించి, కొన్ని వేల హృదయాలను శాసించిన ఘనత టబు సొంతం. ఆమెకు నలభై ఏళ్ళంటే ఎవరూ నమ్మరేమో. ఈ వయసులోను సూపర్ హాట్ ఇమేజ్ ను మెయింటైన్ చేయడం బాలీవుడ్ లో రేఖ తర్వాత టబు కి మాత్రమే సాధ్యపడింది. “అందరివాడు, పాండురంగడు” లాంటి చిత్రాల తర్వాత ఆమె తెలుగులో నటించలేదు. మళ్ళీ ఇన్నాళ్ల తర్వాత అల్లు అర్జున్-త్రివిక్రమ్ కాంబినేషన్ సినిమాలో కీలకపాత్ర పోషిస్తోంది.

• మహర్షి సినిమా రివ్యూ కోసం ఇక్కడ క్లిక్ చెయ్యండి
• మహర్షి డైలాగ్స్ కోసం ఇక్కడ క్లిక్ చెయ్యండి
• నువ్వు తోపురావ సినిమా రివ్యూ కోసం ఇక్కడ క్లిక్ చెయ్యండి
• జెర్సీ రివ్యూ కోసం ఇక్కడ క్లిక్ చెయ్యండి
• చిత్రలహరి రివ్యూ కోసం ఇక్కడ క్లిక్ చెయ్యండి

అయితే.. ఆమె బాలీవుడ్ లో ఇటీవల సల్మాన్ ఖాన్ తాజా చిత్రమైన “భారత్”లో ఓ ముఖ్యపాత్ర పోషించింది. కానీ సినిమా ప్రమోషన్స్ లో మాత్రం ఎక్కడా కనిపించడం లేదు. దాంతో “భారత్” ప్రమోషన్స్ లో మీరెందుకు కనిపించడం లేదని మీడియా పదే పదే ప్రశ్నిస్తుండడంతో స్పందించిన టబు “ఈ సినిమాలో నేను చేసింది ఒక్కటంటే ఒక్క సన్నివేశం మాత్రమే. అందుకే ప్రమోషన్స్ లో పాలు పంచుకోవడం లేదు” అని క్లారిటీ ఇచ్చింది. దాంతో సల్మాన్ కాంబినేషన్ లో చాలా సీన్స్ ఉంటాయేమోనని ఎక్స్ పెక్ట్ చేసిన టబు ఫ్యాన్స్ కాస్త ఢీలాపడ్డారు. కనుమరుగైపోయిన “నదియా”కే భీభత్సమైన క్రేజ్ తీసుకొచ్చిన త్రివిక్రమ్ దర్శకత్వంలో టబు నెక్స్ట్ సినిమా కాబట్టి.. ఆ సినిమాలో ఆమెకు ఆమె అభిమానులు ఊహించలేనన్ని ఎలివేషన్స్ ఉంటాయనడంలో ఎలాంటి సందేహం లేదు.