త్రిష ఎప్పటికీ సింగిల్ గానే ఉంటుందా..?

ఒకప్పుడు టాలీవుడ్ లో స్టార్ హీరోయిన్ గా రాణించిన త్రిష ఆ తరువాత అవకాశాలు తగ్గడంతో కోలీవుడ్ కి వెళ్లి సెటిల్ అయిపోయింది. అక్కడే సినిమాలు చేస్తూ బిజీ అయింది. కాగా, ఆమె పెళ్లికి సంబంధించిన వార్తలు ఏదొకటి బయటకి వస్తూనే ఉంటుంది. నిజానికి ఇప్పటికే త్రిషకి పెళ్లై ఉండాల్సింది కానీ క్యాన్సిల్ అయింది. అప్పటినుండి ఆమె పెళ్లి జోలికి వెళ్లడం లేదు. ఈ మధ్యకాలంలో త్రిష, హీరో శింబు పెళ్లి చేసుకోబోతున్నట్లు వార్తలు వచ్చాయి.

గతంలో వీరిద్దరి మధ్య లవ్ ఎఫైర్ నడిచేది. కానీ కొన్ని కారణాల వలన విడిపోయారు. ఇప్పుడు మళ్లీ కలిసిపోయారని.. పెళ్లి చేసుకోవడం ఖాయమని కోలీవుడ్ మీడియా కథనాలు ప్రచురించింది. ఫైనల్ గా త్రిష తన పెళ్లి వార్తలపై స్పందించింది. ఓ ఇంటర్వ్యూలో మాట్లాడిన త్రిష.. పెళ్లి చేసుకోనని తానెప్పుడూ చెప్పలేదని.. తప్పకుండా చేసుకుంటానని అంది. అయితే తన ఇష్టాల్నీ, అభిరుచుల్నీ, వృత్తినీ గౌరవించే వ్యక్తిని పెళ్లి చేసుకుంటానని చెప్పారు. ఒకవేళ అలాంటివాడు దొరకకపోతే..

అసలు పెళ్లే చేసుకోనని అన్నారు. జీవితాంతం ఒంటరిగా ఉండడానికి సైతం సిద్ధమే అంటూ షాకిచ్చింది. ఒంటరిగా బ్రతికే దైర్యం, తెగువ తనకున్నాయని.. ఆడవాళ్లు ఎవరి తోడూ లేకుండా మనుగడ సాధించగలరని చాలా నమ్మకంగా చెబుతోంది త్రిష.

Most Recommended Video

ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!