ఇంటికి పండగ కళ తీసుకురావడానికి బిగ్‌బాస్‌ శుక్రవారం ర్యాంప్‌ వాక్‌ ఏర్పాటు చేసిన విషయం తెలిసిందే. ఇంటి సభ్యులందరూ కొత్త దుస్తులతో మెరిసపోయి, ర్యాంప్‌ మీద నడిచి అలరించారు. ఆ తర్వాత అమ్మాయిల నుంచి ఒకరిని, అబ్బాయిల నుంచి ఒకరిని ఎంపిక చేసి… ఓ షాల్‌ వేసి, రూ. లక్ష వోచర్లు అందించారు. అమ్మాయిల తరపు నుంచి గంగవ్వ గెలవగా, అబ్బాయిల నుంచి అవినాష్ గెలుపొందాడు. అయితే గంగవ్వ ఎంపిక విషయంలో అబ్బాయిలు సేఫ్‌ గేమ్‌ ఆడారని నెటిజన్లు అనుకున్నారు. అన్‌సీన్‌ వీడియో చూస్తే… అదే నిజం అనిపిస్తోంది.
ర్యాంప్‌ వాక్‌ అయ్యాక అబ్బాయిల్లో ఎక్కువమంది తొలుత మోనాల్‌ను విజేతగా ఎంపిక చేద్దాం అనుకున్నారు. తర్వాత ఒకటి రెండు పేర్లు వినిపించినా… ఆఖర్లో గంగవ్వ పేరు చర్చకు వచ్చేసరికి ఓకే చేశారు. ఇదే విషయం తర్వాత లాస్య, ఆరియానా, సుజాత, అమ్మ రాజశేఖర్‌, అవినాష్ చర్చలో బయటికొచ్చింది. ముందు మోనాల్‌ను గెలిపిద్దాం అనుకున్నామని అవినాష్, అమ్మ రాజశేఖర్‌ అన్నారు. అయితే అందరూ బాగున్నారు అనిపించేసరికి గంగవ్వకు ఇచ్చేద్దాం అనుకున్నామని చెప్పారు.
మరోవైపు అబ్బాయిల విజేతను ఎంపిక చేసిన విషయంలో జరిగిన చర్చ కూడా బయటకు వచ్చింది. ఎక్కువ మంది ఓటేసిన అవినాషే విజేతగా నిలిచాడు. అయితే మధ్యలో నోయల్‌ పేరు కూడా చర్చకు వచ్చిందంట. అయితే అవినాష్ అయితే బెటర్‌ అనుకుని అమ్మాయిలంతా అతనికే ఓటేసి గెలిపించారు.
Most Recommended Video
బిగ్‌బాస్‌లో రోజూ వినే గొంతు… ఈయనదే!
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
కోలీవుడ్లో ఎక్కువ పారితోషికం తీసుకునే హీరోలు వీళ్ళే..!
