తెలుగులో ఓ సమయంలో వరుస సినిమాలు, అందులో స్టార్ హీరోలతో సినిమాలు చేసి స్టార్ హీరోయిన్‌ దశకు దగ్గరగా వెళ్లింది అదా శర్మ (Adah Sharma) . అయితే ఎక్కడో ఏదో తేడా కొట్టి సినిమా ఛాన్స్‌లు లేకుండా పోయాయి. అయితే గతేడాది ఆమె చేసిన ‘కేరళ స్టోరీ’ (The Kerala Story) సినిమా పూర్తిగా పరిస్థితి మార్చేసింది. ఇప్పుడు ఆమెకు అలాంటి కథలు తెగ వస్తున్నాయి. ఇప్పుడు మరో సినిమా రెడీ అవుతోంది కూడా. అయితే ఇప్పుడు ఆమె గురించి చర్చ పర్సనల్ విషయం.
బాలీవుడ్‌ యువ కథానాయకుడు దివంగత సుశాంత్‌ సింగ్‌ రాజ్‌పుత్‌ (Sushant Singh Rajput) ఇంటిని నటి అదా శర్మ కొనుగోలు చేసింది అంటూ.. గత కొంత కాలంగా వార్తలు చక్కర్లు కొడుతున్నాయి. కొత్త ఇల్లు కొనుక్కోవచ్చు కదా… ఆ ఇల్లే ఎందుకు అని కొందరు అంటుంటే… ఆయన ఇల్లు కొనుక్కోవాలని ఎందుకు అనిపించింది, వాట్స్‌ బిహైండ్‌ దిస్‌ అంటూ మరికొంత మంది చర్చకు దారి తీశారు. అయితే దీనిపై తాజాగా ఆమె స్పందించింది.
ఇప్పుడు దీని గురించి ఏమీ మాట్లాడనని చెప్పిన ఆమె సరైన సమయం వచ్చిన్నప్పుడు తప్పకుండా మాట్లాడతానని చెప్పారు ప్రస్తుతానికి నేను ప్రేక్షకుల గుండెల్లో ఉంటున్నా. దానికి నేను అద్దె చెల్లించాల్సిన అవసరం లేదు. విషయం ఏదైనా సరే మాట్లాడటానికి సరైన సమయం ఉంటుంది. ఆ రోజు మొత్తం విసయం చెబుతాను. సుశాంత్‌ ఒకప్పుడు ఉన్న ఇంటిని చూడటానికి వెళ్లినప్పుడు మీడియా ఫోకస్‌ పెట్టింది. అందుకు నేను సంతోషిస్తున్నా.
నేను ప్రైవేట్‌ పర్సన్‌ని అని విషయం క్లియర్ చేసే ప్రయత్నం చేసింది. అయితే అక్కడితో ఆగకుండా ఈ భూమ్మీద లేని వ్యక్తి గురించి ఇష్టం వచ్చిన విధంగా మాట్లాడటం సరికాదు అంటూ ఓ మాట చెప్పింది. సుశాంత్‌ ఎన్నో గొప్ప చిత్రాల్లో నటించాడు, ఆయన గౌరవాన్ని కాపాడటం నా ఉద్దేశం. మరణించిన వ్యక్తిపై కామెంట్లు చేయడం సరికాదు అని అదా చెప్పింది. అయితే ఇల్లు కొన్నావా లేదా అని అడిగితే… ఈ సెంటిమెంట్‌ డైలాగ్స్‌ ఎందుకు అని నెటిజన్లు ప్రశ్నిస్తున్నారు.
Home