Mahesh Babu: 14 ఏళ్ల వయస్సులో కారు నడుపుతూ పోలీసులకు దొరికిన మహేష్.. చివరకు?

May 25, 2023 / 11:37 AM ISTByFilmy Focus

Join Us

Mahesh Babu: 14 ఏళ్ల వయస్సులో కారు నడుపుతూ పోలీసులకు దొరికిన మహేష్.. చివరకు?

టాలీవుడ్ ప్రముఖ నటులలో ఒకరైన మహేష్ బాబు ప్రస్తుతం త్రివిక్రమ్ సినిమాతో కెరీర్ పరంగా బిజీగా ఉన్నారు. ఒకవైపు ఈ సినిమాలో నటిస్తూనే మరోవైపు మహేష్ బాబు యాడ్స్ లో నటిస్తూ కెరీర్ పరంగా బిజీగా ఉన్నారు. మహేష్ పారితోషికం కూడా గతంతో పోల్చి చూస్తే భారీ స్థాయిలో పెరిగిందని సమాచారం అందుతోంది. అయితే కృష్ణ సోదరుడు ఆది శేషగిరిరావు ఒక ఇంటర్వ్యూలో మాట్లాడుతూ షాకింగ్ విషయాలను వెల్లడించారు. మహేష్ నమ్రత పెళ్లికి కృష్ణగారు ఒప్పుకున్నారని ఆయన అన్నారు.

మహేష్ గారు అమ్మతో చెప్పగా ఆమె కృష్ణగారికి చెప్పారని ఆది శేషగిరిరావు వెల్లడించారు. మహేష్ పెళ్లికి సంబంధించి నా పాత్ర ఏమీ లేదని ఆయన పేర్కొన్నారు. మహేష్ తో ఓన్ ప్రొడక్షన్ లో వంశీ ఒక్కటే తీశానని ఆయన తెలిపారు. మహేష్ బాబు సక్సెస్ అవుతారని నేను ముందే ఊహించానని ఆది శేషగిరిరావు పేర్కొన్నారు. మహేష్ బాబు మిమిక్రీ బాగా చేస్తాడని ఎవ్వరినైనా ఇమిటేట్ చేస్తాడని ఫ్యాన్స్ కు తెలిసిన మహేష్ వేరు రియల్ మహేష్ వేరని పరోక్షంగా ఆయన కామెంట్లు చేశారు.

కొడుకు దిద్దిన కాపురం రిలీజైన సమయంలోనే మహేష్ స్టార్ అవుతాడని ఆయన చెప్పుకొచ్చారు. పాన్ ఇండియా సబ్జెక్ట్ వేరు అని అలాంటి కథ ఉంటే సినిమా కచ్చితంగా సక్సెస్ సాధిస్తుందని ఆది శేషగిరిరావు వెల్లడించారు. మహేష్ బాబు 14 సంవత్సరాల వయస్సులో లైసెన్స్ లేకుండా కారు నడిపాడని ఆయన పేర్కొన్నారు.

మహేష్ (Mahesh Babu) వెంట పోలీసులు పడితే కారును ఆఫీస్ వెనుక పెట్టి ఏమీ తెలియనట్టు వచ్చి కూర్చున్నాడని ఆది శేషగిరిరావు అన్నారు. థియేటర్లలో కచ్చితంగా సినిమాలు చూస్తామని ఆయన చెప్పుకొచ్చారు . థియేటర్ టెక్నాలజీ వేరు ఓటీటీ టెక్నాలజీ వేరని ఆది శేషగిరిరావు కామెంట్లు చేశారు. మోసగాళ్లకు మోసగాడు సినిమా కావాలని అడగడంతో ఈ సినిమాను రీ రిలీజ్ చేస్తున్నామని ఆయన పేర్కొన్నారు.