Saaho Movie: ఇది పవన్ కళ్యాణ్ ఫ్యాన్స్ ఇన్-సెక్యూరిటీకి నిదర్శనమా?

‘బాహుబలి'(సిరీస్) తర్వాత ప్రభాస్ హీరోగా సుజీత్ దర్శకత్వంలో వచ్చిన ‘సాహో’ మూవీ బాక్సాఫీస్ వద్ద యావరేజ్ ఫలితాన్ని అందుకుంది. బాలీవుడ్లో మాత్రం ఈ మూవీ సూపర్ హిట్.అయితే 2019 వ సంవత్సరం ఆగస్టు 30న రిలీజ్ అయిన ఈ మూవీకి మొదటి షో నుండే డిజాస్టర్ టాక్ వచ్చింది. ‘బాహుబలి’ క్రేజ్ వల్ల అడ్వాన్స్ బుకింగ్స్ విషయంలో ఈ మూవీ చరిత్ర సృష్టించింది. కానీ సినిమా అంచనాలను అందుకోలేకపోవడంతో డిజాస్టర్ టాక్ ఎక్కువగా స్ప్రెడ్ అయ్యింది.

యాంటీ ఫ్యాన్స్ అయితే ఈ మూవీని ఓ రేంజ్లో ట్రోల్ చేశారు.ఏదేమైనా నార్త్ కలెక్షన్స్ వల్ల.. ఈ మూవీ బాక్సాఫీస్ వద్ద చాలా వరకు సేఫ్ అయ్యింది అనే మాట వాస్తవం. ఇదిలా ఉండగా.. 3 ఏళ్ళ తర్వాత అంటే ఇప్పుడు ‘సాహో’ చిత్రానికి పాజిటివ్ టాక్ వస్తుంది. అదేంటి ఇప్పుడు పాజిటివ్ టాక్ ఇస్తే ఈ సినిమాకి కలిసొచ్చేది ఏంటి? అనే డౌట్ ఎవ్వరికైనా రావచ్చు. అందుకు కొన్ని కారణాలు ఉన్నాయి. నిన్న పవన్ కళ్యాణ్ – సుజీత్ కాంబినేషన్లో మూవీ రాబోతున్నట్టు అనౌన్స్మెంట్ వచ్చింది.

‘ఆర్.ఆర్.ఆర్’ వంటి బడా పాన్ ఇండియా చిత్రాన్ని నిర్మించిన డీవీవీ దానయ్య ఈ చిత్రానికి నిర్మాత. నిన్ననే ఈ మూవీకి సంబంధించి అధికారిక ప్రకటన వచ్చింది. ‘ఓ జి’ అనే వర్కింగ్ టైటిల్ తో ఈ మూవీ షూటింగ్ ప్రారంభం కానుంది. ఇందులో పవన్ గ్యాంగ్స్టర్ గా కనిపించబోతున్నాడంటూ కథనాలు వినిపిస్తున్నాయి. ఇదంతా ఒక ఎత్తు అయితే.. ‘సాహో’ చిత్రం ఓ కల్ట్ క్లాసిక్ అంటూ కొంతమంది నెటిజన్లు మోసేస్తున్నారు.

సినిమా విడుదలైనప్పుడు ట్రోల్ చేసిన జనాలు ఇప్పుడెందుకు సడెన్ గా ‘సాహో’ పై ప్రేమ కురిపిస్తున్నారు అనే డౌట్ ఎవ్వరికైనా రావచ్చు. ‘సాహో’ సినిమా కల్ట్ క్లాసిక్ అంటున్న ప్రతి ఒక్కరూ పవన్ కళ్యాణ్ ఫ్యాన్సే కావడం గమనార్హం. నిజానికి సుజీత్ తో పవన్ సినిమా చేయడం అభిమానులకు ఇష్టం లేదు. కానీ అధికారిక ప్రకటన వచ్చినప్పటి నుండీ.. కొంతమంది పవన్ ఫ్యాన్స్ ట్రోల్ అవుతున్నారు. అందుకే వాళ్ళ ఇన్ సెక్యూరిటీని ఇలా కవర్ చేసుకుంటున్నారు అని స్పష్టమవుతుంది.

హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!