సోషల్‌ మీడియాను ఊపేస్తున్న వైరల్‌ వీడియో

పవన్‌ కల్యాణ్‌ – అలీ మధ్య ఉన్న స్నేహం గురించి మాటలు చాలవు. పవన్‌ సినిమాల్లోకి వచ్చేముందు నుంచే వీరిద్దరి మధ్య స్నేహ బంధం ఉంది. అయితే ఇదంతా 2019 ముందు వరకు. ఏపీ అసెంబ్లీ ఎన్నికల సందర్భంగా వీరిద్దరి మధ్య అనుకోని సంఘటనలు జరిగాయి. పార్టీలో చేరడం విషయంలో వచ్చిన పుకార్లు, తర్వాత ఇద్దరి మధ్య మాటల యుద్ధం అన్నీ మనకు తెలిసినవే. ఆ తర్వాత ఇద్దరూ ఎక్కడా పెద్దగా కలిసి కనిపించింది లేదు. దీంతో వీరి స్నేహం ఇక గతం అని అందరూ అనుకున్నారు. దానికి తోడు 2019 కి ముందు పవన్‌ చేసిన చివరి సినిమాల్లో అలీ కనిపించలేదు.

దీంతో పవన్‌ – అలీ కలవరు అని అనుకున్నారు. అయితే అలా అనుకున్న అందిరకీ షాక్‌ ఇస్తూ పవన్‌ కల్యణ్‌ – అలీ ఇటీవల ఓ పెళ్లి వేడుకలో కలిశారు. ఇప్పుడు ఆ వీడియోలు, ఫొటోలు సోషల్‌ మీడియాలో హల్‌ చల్‌ చేస్తున్నాయి. ఇటీవల ఆలీ బంధువుల వివాహం జరిగింది. ఆ వేడుకకు ఆలీ కుటుంబంతోపాటు, పవన్‌ కల్యాణ్‌ హాజరయ్యారు. ఈ సందర్భంగా తీసిన ఓ వీడియో ఇప్పుడు సోషల్‌ మీడియాలో వైరల్‌ అయ్యింది. వధూవరులను కలిసి, అభినందనలు తెలిపిన తర్వాత పవన్‌ కల్యాణ్‌తో ఆలీ, ఆయన సతీమణి కలసి ఓ సెల్ఫీ తీసుకున్నారు. ఆ దృశ్యాన్నే కొంతమంది వీడియో తీస్తే… దానిని అలీ సతీమణి జుబేదా సోషల్‌ మీడియాలో చేశారు. అలీతో పవన్‌ సరదాగా మాట్లాడటం ఆ వీడియోలో కనిపిస్తోంది.

అంతేకాకుండా ఆలీ.. పవన్‌తో సరదాగా మాట్లాడారు. ఇద్దరు మిత్రులను ఇలా చూసిన నెటిజన్లు ఆనందపడుతున్నారు. పవన్‌ – అలీ కలిసిపోయారు కాబట్టి… ఇక ఇద్దరూ కలసి నటించడమే తరువాయి అని అనుకుంటున్నారు. ఇద్దరి మధ్య ఉండే కెమిస్ట్రీ టాలీవుడ్‌లో కాసుల వర్షం కురిపించిన విషయం తెలిసిందే. గత చిత్రాల్లో ఈ ఇద్దరి మధ్య వచ్చిన సినిమాల్లో కాంబో సీన్స్‌ గుర్తు తెచ్చుకుంటే వావ్‌ అనిపిస్తుంది. ప్రస్తుతం పవన్‌ వరుస సినిమాలు తీస్తూ మంచి జోరు మీదున్నాడు. దీంతో వాటిలో అలీ నటిస్తే బాగుండు అని అభిమానులు లెక్కలేసుకుంటున్నారు. రాజకీయాల్లో శాశ్వత శత్రువులు, శాశ్వత కోపాలు ఉండవు అంటారు కదా.

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!