18 ఏళ్ల వివాహ బంధానికి ముగింపు పలుకుతూ ఇటీవల ధనుష్, ఐశ్వర్య విడాకులు అనౌన్స్‌ చేసిన విషయం తెలిసిందే. కారణాలు చెప్పకపోయినా… చాలా కాలంగా ఇద్దరి మధ్య ఉన్న మనస్పర్థలే విడాకులకు కారణమని వార్తలొస్తున్నాయి. విడాకులు అనౌన్స్‌ చేసిన సమయంలో ఇద్దరూ ఒకే హోటల్‌లో ఉన్నారని, సినిమాల కోసమే వచ్చారని కూడా చెప్పారు. ఇవన్నీ బయట మాటలే… ఇటు ఐశ్వర్య కానీ, అటు ధనుష్ కానీ ఎక్కడా స్పందించలేదు. తాజాగా ఐశ్వర్య మాటలు అయితే తాజాగా వైరల్‌ అవుతున్నాయి. ఓ మీడియా సంస్థతో ఆమె ఈ వ్యాఖ్యలు చేశారని సమాచారం.
జీవితంలో ఏదో ఒక సమయంలో ప్రతి ఒక్కరికీ ఆటుపోట్లు ఎదురవుయి. వాటిని తప్పకుండా ఎదురుకోవాల్సిందే అంటూ ఐశ్వర్యా కామెంట్‌ చేశారు. ప్రేమ అనేది అద్భుతమైన భావవ్యక్తీకరణ అని, ఒకరి భావాలను మరొకరు వ్యక్తపరుచుకోవడమని ఐశ్వర్య చెప్పుకొచ్చారు. అలాగే ప్రేమ ఏ ఒక వ్యక్తికో, వస్తువుకో సంబంధించింది కాదని కూడా వివరించారు. నేను ఎదిగేకొద్దీ నా మనసులో ప్రేమ నిర్వచనం మారుతూ వచ్చిందన్న ఐశ్వర్య… ప్రస్తుతం నేను నా తల్లిదండ్రులను, నా పిల్లలను ప్రేమిస్తున్నానని చెప్పుకొచ్చింది.
ప్రేమ ఏ ఒక్క వ్యక్తితో ఆగిపోదని కూడా అన్నారామె. జీవితం గురించి మాట్లాడినట్లు ఐశ్వర్య ఇవన్నీ చెప్పింది తప్ప ఎక్కడా ధనుష్ ప్రస్తావన తీసుకురాలేదు. దీంతో ఐశ్వర్య – దనుష్‌ మళ్లీ కలుస్తారు అంటూ గత కొద్ది రోజులుగా వస్తున్న మాటలు… మాటలేగానే మిగిలిపోతాయి అంటున్నారు నెటిజన్లు. ఇరు పక్షాల కుటుంబ సభ్యులు కూడా కలిపే ప్రయత్నాలు విరమించుకున్నారని ఆ మధ్య వార్తలొచ్చాయి. ఇప్పుడు ఐశ్వర్య మాటలు అలానే ఉన్నాయి.
2000వ సంవత్సరంలో ఐశ్వర్య – ధనుష్ తొలిసారి కలిశారు. ఆ తర్వాత ప్రేమికులుగా మారి 2004లో వివాహ బంధంతో ఒక్కటయ్యారు. ఆ తర్వాత 18 ఏళ్లకు అంటే 2022లో విడాకులు అనౌన్స్‌ చేశారు. వీరికి యాత్ర, లింగ అని ఇద్దరు కుమారులు ఉన్నారు. ఇటీవల యాత్రతో ధనుష్ హాలీడే ట్రిప్‌కి వెళ్లిన విషయం తెలిసిందే.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
