భన్సాలీ కోసం ఐశ్వర్యరాయ్ ఐటెం సాంగ్!

ఒక్కోసారి హీరోహీరోయిన్ల కాంబినేషన్ల కంటే హీరో-డైరెక్టర్ లేదా హీరోయిన్-డైరెక్టర్ ల కాంబినేషన్ చర్చనీయాంశంగా మారుతుంటుంది. ఇప్పుడు ఆ తరహాలో బాలీవుడ్ లో చర్చనీయాంశంగా మారిన పెయిర్ డైరెక్టర్ సంజయ్ లీలా భన్సాలీ, హీరోయిన్ ఐశ్వర్యరాయ్ బచ్చన్. నిజానికి వీరిద్దరి కాంబినేషన్ లో వచ్చిన సినిమాలు మూడే, ఆ మూడు సినిమాలకు విమర్శకుల ప్రశంసలు దక్కినా కమర్షియల్ గా మాత్రం ఫెయిల్యూర్సే. కానీ, సినిమాలు ఫెయిల్ అయినా వీరిద్దరి మధ్య రిలేషన్ మాత్రం యమ స్ట్రాంగ్ గా మారింది.

అందుకే.. “బాజీరావ్ మస్తానీ” అనంతరం కొంత విరామం తీసుకొన్న సంజయ్ లీలా భన్సాలీ తెరకెక్కించనున్న తాజా చిత్రం “పద్మావతి”లో ఐశ్వర్య కోసం ఓ పాత్రను క్రియేట్ చేయడంతోపాటు ఆ పాత్రకి ఒక పాట కూడా యాడ్ చేసేశాడట. రణవీర్ సింగ్, షాహిద్ కపూర్, దీపిక పడుకొనేలు హీరోహీరోయిన్లుగా తెరకెక్కనున్న ఈ చిత్రంలో ఐశ్వర్య ఓ స్పెషల్ సాంగ్ లో మెరవనుందని వినికిడి. ఇకపోతే.. “పద్మావతి” అనంతరం ఐశ్వర్యరాయ్ ప్రధాన పాత్రలో ఓ లేడీ ఓరియెంటెడ్ ఫిలిమ్ తీసేందుకు సంజయ్ లీలా భన్సాలీ కథ రెడీ చేసుకొంటున్నాడని తెలుస్తోంది!

Also, do SUBSCRIBE to our YouTube channel to get latest Tollywood updates.