తన కుటుంబ సభ్యులతో వేసవి సెలవులను గడపడానికి తమిళ నటుడు అజిత్ లండన్ వెళుతున్నాడని కోలీవుడ్ లో వార్తలు వినవచ్చాయి. అయితే ఆయన గోవా బీచ్ తో తన కుటుంబ సభ్యులతో సరదాగా గడుపుతూ కనిపించారు. ఓ వివాహ వేడుకలో పాల్గొనడానికి ఆయన గోవా వెళ్లారని..
ఈ కార్యక్రమం ముగిసిన వెంటనే ఆయన తిరిగి చెన్నై చేరుకొనున్నట్లు సమాచారం. మరోవైపు అజిత్ నటించనున్న ‘అజిత్ 57’ వ చిత్రం జూన్ నుంచి ప్రారంభం కానుంది. వీరమ్, వేదాలమ్ చిత్రాలను తెరకెక్కించిన శివ ఈ చిత్రానికి దర్శకత్వం వహించనుండగా.. యూ‌ఎస్, యూ‌కే లలో ఈ చిత్రం షూటింగ్ జరుపుకోనుంది. ఈ చిత్రానికి అనిరుధ్ స్వరాలు సమకూర్చనున్నాడు. ఈ చిత్రంలో అజిత్ సరసన నటించడానికి రితిక సింగ్, అనుష్క పేర్లను పరిశీలిస్తున్నారు.
