ఆలిండియా సూపర్ స్టార్ గా పేరు తెచ్చుకున్న రజనీకాంత్ ను ప్రపంచవ్యాప్తంగా అభిమానులున్న విషయం తెలిసిందే. అయితే.. ఆయనకి తమిళంలో మాత్రం భక్తులున్నారు. అందుకే ఆయన సినిమాలు రిజల్ట్ తో సంబంధం లేకుండా బ్లాక్ బస్టర్లు అయిపోతుంటాయి. ఇక రజనీ సినిమాలు కలెక్షన్స్ పరంగా ఎప్పటికప్పుడు సరికొత్త రికార్డులు క్రియేట్ చేస్తూనే ఉంటాయి. అలాంటి రజనీకి మరో తమిళ సూపర్ స్టార్ అజిత్ గట్టి పోటీనిస్తున్నాడు. ఈ సంక్రాంతికి రజనీ నటించిన “పెట్ట”, అజిత్ నటించిన “విశ్వాసం” ఒకేరోజు విడుదలయ్యాయి. పెట్ట స్టైలిష్ ఎంటర్ టైనర్ కాగా.. విశ్వాసం ఫ్యామిలీ సెంటిమెంట్స్ తో రూపొందిన యాక్షన్ ఎంటర్ టైనర్.
ఈ రెండు సినిమాలకూ పాజిటివ్ టాక్ వచ్చినప్పటికీ.. ఫ్యామిలీ ఆడియన్స్ మరియు లేడీస్ అందరూ విశ్వాసం సినిమాకి బాగా కనెక్ట్ అయ్యారు. ఆ కారణంగా రిపీటెడ్ ఆడియన్స్ ఈ సినిమాకి బాగా ఎక్కువయ్యారు. దాంతో పెట్ట సినిమా కంటే ఎక్కువ కలెక్షన్స్ సాధించింది విశ్వాసం. దాదాపుగా 125 కోట్ల రూపాయలు వసూలు చేసింది. దాంతో రజనీని అజిత్ బీట్ చేశాడని విశ్లేషణలు మొదలయ్యాయి.
