5 రోజుల క్రితం అంటే జూలై 12న అఖిల్- సురేందర్ రెడ్డి ల ‘ఏజెంట్’ మూవీ షూటింగ్ ప్రారంభమైంది.ఏపి లోని నెల్లూరు జిల్లాకి చెందిన కృష్ణపట్నంలో షూటింగ్ ను ప్లాన్ చేశారు. మొదటి రోజు బాగానే ఉన్నా… రెండో రోజు నుండీ చిత్ర యూనిట్ సభ్యులని వరుణుడు డిస్టర్బ్ చేసాడు. అప్పటి నుండీ వర్షాలు ఎడతెగకుండా కురుస్తూనే ఉన్నాయి. ఇప్పుడది తుఫాన్ గా మారడంతో షూటింగ్ ను క్యాన్సిల్ చేసారట చిత్ర యూనిట్ సభ్యులు.
టీం మొత్తం తిరిగి హైదరాబాద్ కు రావడానికి రెడీ అయినట్టు కూడా తెలుస్తుంది. మొన్నటికి మొన్న బెల్లంకొండ సాయి శ్రీనివాస్ ‘ఛత్రపతి’ హిందీ రీమేక్ సెట్ కూడా ఎడతెగకుండా కురిసిన వర్షాలకు పాడైపోయింది. దాంతో షూటింగ్ కూడా ఆగిపోయింది. దాని వల్ల రూ.3 కోట్ల వరకు నష్టాలు వచ్చినట్టు చిత్ర బృందం తెలిపిన సంగతి తెలిసిందే. ఇప్పుడు అఖిల్ మూవీకి కూడా అదే విధంగా నష్టం వాటిల్లినట్టు తెలుస్తుంది. ఈ చిత్రంలో మలయాళం స్టార్ హీరో మమ్ముట్టి కూడా కీలక పాత్ర పోషిస్తున్న సంగతి తెలిసిందే.
‘ఎ.కె. ఎంటర్టైన్మెంట్స్’ బ్యానర్ పై అనిల్ సుంకర ఈ చిత్రాన్ని భారీ బడ్జెట్ తో నిర్మిస్తున్నారు. ఇటీవల విడుదల చేసిన ఫస్ట్ లుక్ కు కూడా మంచి స్పందన లభించింది. అందులో అఖిల్ 6 ప్యాక్ లుక్ లో అదరగొట్టాడనే చెప్పాలి. రూ.65 కోట్ల భారీ బడ్జెట్ తో ఈ చిత్రం నిర్మితమవుతున్నట్టు వినికిడి.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
