Akhil: అఖిల్ కొత్త మూవీపై కాపీ మరక.. కానీ?

అక్కినేని అఖిల్ సినీ కెరీర్ లో సక్సెస్ సాధించిన సినిమాల కంటే ఫ్లాపైన సినిమాలే ఎక్కువగా ఉన్నాయి. ఏజెంట్ సినిమాతో అఖిల్ కచ్చితంగా కెరీర్ బిగ్గెస్ట్ బ్లాక్ బస్టర్ హిట్ ను సొంతం చేసుకోవాల్సి ఉంది. ఏజెంట్ సినిమా ఏకంగా 70 కోట్ల రూపాయల భారీ బడ్జెట్ తో తెరకెక్కుతోంది. సురేందర్ రెడ్డి దర్శకత్వం వహిస్తున్న ఈ సినిమాతో అఖిల్ 100 కోట్ల రూపాయల షేర్ కలెక్షన్లను సొంతం చేసుకుంటాడని ఫ్యాన్స్ భావిస్తున్నారు.

తాజాగా ఏజెంట్ సినిమా నుంచి అఖిల్ లుక్ విడుదల కాగా ఈ లుక్ కాపీ అని నెటిజన్ల నుంచి నెగటివ్ కామెంట్లు వినిపిస్తున్నాయి. భారీ యాక్షన్ థ్రిల్లర్ గా ఈ సినిమా తెరకెక్కుతుండగా ఏజెంట్ మూవీ నుంచి విడుదలైన అఖిల్ పోస్టర్ ను చూస్తుంటే గేమ్ ఆఫ్ థ్రోన్స్ లో హీరో గుర్తుకు వస్తున్నాడని కామెంట్లు వ్యక్తమవుతున్నాయి. జోన్ స్నోని అఖిల్ కాపీ కొట్టాడని పలువురు అభిప్రాయపడుతున్నారు. ఏజెంట్ కాపీ మరక గురించి దర్శకుడు సురేందర్ రెడ్డి ఏమని జవాబిస్తారో చూడాల్సి ఉంది.

రెమ్యునరేషన్ తీసుకోకుండా అఖిల్ ఈ సినిమాలో నటిస్తుండగా బ్లాక్ బస్టర్ టాక్ వస్తే మాత్రమే కమర్షియల్ గా ఈ సినిమా సక్సెస్ సాధించే అవకాశాలు అయితే ఉంటాయని చెప్పవచ్చు. అఖిల్ కు జోడీగా సాక్షి వైద్య నటిస్తుండగా మలయాళ నటుడు మమ్ముట్టి ఈ సినిమాలో కీలక పాత్రలో నటిస్తున్నారు. ఆగష్టు నెల 12వ తేదీన ఈ సినిమా థియేటర్లలో రిలీజ్ కానుంది. ఈ సినిమా షూటింగ్ వేగంగా జరుగుతోందని సమాచారం అందుతోంది.

బాక్సాఫీస్ వద్ద ఈ సినిమా సంచలనాలు సృష్టిస్తుందని మేకర్స్ సైతం కాన్ఫిడెన్స్ తో ఉన్నారు. అఖిల్ రిస్కీ సబ్జెక్ట్ నే ఎంచుకోగా సురేందర్ రెడ్డికి సైతం ఈ సినిమా సక్సెస్ కీలకం కానుంది. అఖిల్ నటించిన మోస్ట్ ఎలిజిబుల్ బ్యాచిలర్ గతేడాది విడుదలై హిట్ గా నిలిచింది.

 

View this post on Instagram

 

A post shared by Akhil Akkineni (@akkineniakhil)

ఎఫ్ 3 సినిమా రివ్యూ & రేటింగ్!

Most Recommended Video

పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!