Akhil: ప్రస్తుతం సింగిల్ గానే ఉన్నాను.. అఖిల్ కామెంట్స్ వైరల్!

అఖిల్ అక్కినేని ప్రస్తుతం ఏజెంట్ సినిమా ద్వారా ప్రేక్షకుల ముందుకు రావడానికి సిద్ధమయ్యారు. ఎన్నో అంచనాల నడుమ ఈ సినిమా ఏప్రిల్ 28వ తేదీ ప్రేక్షకుల ముందుకు రానున్న నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ ప్రమోషన్ కార్యక్రమాలలో భాగంగా అఖిల్ వరుస ఇంటర్వ్యూలకు హాజరవుతూ సందడి చేస్తున్నారు. సురేందర్ రెడ్డి దర్శకత్వంలో ఈ సినిమా భారీ బడ్జెట్ సినిమాగా ప్రేక్షకుల ముందుకు రాబోతుంది. ఇక ఈ సినిమాపై చిత్ర బృందం మొత్తం భారీ అంచనాలు పెట్టుకున్నారు.

ఈ క్రమంలోనే తాజాగా ఈ సినిమా ట్రైలర్ లాంచ్ కార్యక్రమాన్ని కాకినాడలో నిర్వహించిన విషయం మనకు తెలిసిందే. ఈ కార్యక్రమంలో భాగంగా (Akhil) అఖిల్ మాట్లాడుతూ ఎన్నో విషయాల గురించి తెలియజేశారు. అయితే ఈ కార్యక్రమంలో తనకు తన పెళ్లి గురించి పలు ప్రశ్నలు ఎదురయ్యాయి.అయ్యగారి పెళ్లి ఎప్పుడు అంటూ తనకు ప్రశ్నలు ఎదురవగా ఈ ప్రశ్నలకు తనదైన శైలిలో సమాధానం చెప్పారు. ఈ సందర్భంగా అఖిల్ తన పెళ్లి గురించి మాట్లాడుతూ అప్పుడే పెళ్లి చేసుకోమంటారా?మీకు సమాధానం దొరికింది కదా ప్రస్తుతం తాను ఎలాంటి రిలేషన్ లోను లేనని సింగిల్గానే ఉన్నాను అంటూ ఈ సందర్భంగా ఈయన క్లారిటీ ఇచ్చారు.

అయితే గతంలో ఈయన ప్రముఖ ఫ్యాషన్ డిజైనర్ తో నిశ్చితార్థం జరుపుకొని నిశ్చితార్థాన్ని బ్రేక్ చేసుకున్న విషయం మనకు తెలిసిందే. అయితే అప్పటినుంచి తాను ఎవరితోనో రిలేషన్ లో లేనని సింగిల్ గానే ఉన్నానని చెప్పేశారు. ప్రస్తుతం అఖిల్ దృష్టి మొత్తం సినిమాలపైనే ఉందని పెళ్లి గురించి ఇప్పుడే ఆలోచించే పరిస్థితిలో లేరని ఆయన చెప్పిన సమాధానం చూస్తే తెలుస్తుంది.

సురేందర్ రెడ్డి దర్శకత్వంలో రాబోతున్న ఈ చిత్రాన్ని అనిల్ సుంకర ఎంతో ప్రతిష్టాత్మకంగా నిర్మించారు. ఇక ఈ సినిమాలో అఖిల్ సరసన సాక్షి వైద్య అనే హీరోయిన్ ఇండస్ట్రీకి పరిచయం కాబోతున్నారు. ఇక ఈ సినిమాలో మలయాళీ నటుడు మమ్ముట్టి కీలక పాత్రలో నటించిన విషయం మనకు తెలిసిందే. మరి ఏజెంట్ సినిమా ద్వారా అఖిల్ ఎలాంటి సక్సెస్ అందుకుంటారో తెలియాల్సి ఉంది.

శాకుంతలం సినిమా రివ్యూ & రేటింగ్!
అసలు పేరు కాదు పెట్టిన పేరుతో ఫేమస్ అయినా 14 మంది స్టార్లు.!

బ్యాక్ టు బ్యాక్ ఎక్కువ ప్లాపులు ఉన్న తెలుగు హీరోలు ఎవరంటే?
పూజా హెగ్డే కంటే ముందు సల్మాన్ ఖాన్ తో డేటింగ్ చేసిన 13 మంది హీరోయిన్లు!