ప్రారంభమైన అఖిల్ పెళ్లి పనులు

తెలుగు ఇంట పెళ్లి అంటే ఆ హడావుడే వేరు. నెలముందు నుంచే పనులు మొదలవుతాయి. ముఖ్యంగా పెళ్లి కూతురి ఇంట్లో ఆడపడుచుల సందడి మాటల్లో వర్ణించలేము. ఆ కోలాహలం కింగ్ అక్కినేని నాగార్జున వియ్యంకులు జీవీకే ఇంట్లో మొదలయింది. నాగ్ కుమారుడు అఖిల్‌ నిశ్చితార్థం శ్రీయా భూపాల్‌తో హైదరాబాద్‌లోని ఓ ప్రైవేటు అతిథిగృహంలో ఈనెల 9న వైభవంగా జరిగింది. పెళ్లిని యూరప్ లో జరిపిస్తున్నప్పటికీ తెలుగు సంప్రదాయం ప్రకారమే పెళ్లి వేడుకని ప్రారంభించారు. తెలుగింటిలో పెళ్లి పనులు పసుపు కొట్టడంతో ప్రారంభం అవుతుంది.

తాజాగా శ్రియ కుటుంబ సభ్యులు కూడా పసుపుకొట్టి మరీ పెళ్లి పనులు మొదలుపెట్టారు. ఇందులో మెగాస్టార్ కోడలు ఉపాసన పాల్గొనడం విశేషం. నిశ్చితార్థం వేడుకలో తెగ అల్లరి చేసి జోష్ పెంచిన రామ్ చరణ్ భార్య, తన మిత్రురాలి కోసం పనులన్నీ పక్కన బెట్టి ఈ కార్యక్రమానికి వచ్చింది. వీరందరూ కలిసి ఉన్న ఫోటో ప్రస్తుతం సోషల్ మీడియాలో ఎక్కువ లైక్లు అందుకుంటోంది. అఖిల్, శ్రీయా పెళ్లి తేదీని త్వరలో ప్రకటించనున్నారు.

Also, do SUBSCRIBE to our YouTube channel to get latest Tollywood updates.