Akhira, Adivi Sesh: అభిమాన హీరో కోసం అకీరా అదిరిపోయే మ్యూజిక్‌!

June 17, 2022 / 12:54 PM ISTByFilmy Focus

Join Us

Akhira, Adivi Sesh: అభిమాన హీరో కోసం అకీరా అదిరిపోయే మ్యూజిక్‌!

పవన్‌ కల్యాణ్‌ తనయుడు అకీరా స్పెషల్‌ టాలెంట్ ఏంటో ఇటీవల మనం చూశాం. పియానోతో అకీరా చేసే మ్యూజిక్‌ ఆల్బమ్స్‌, సింగిల్స్‌ గురించి తెలుసుకున్నాం. తాజాగా అకీరా తన పియానో టాలెంట్‌ను చూపించాడు. ఈసారి తన అభిమాన నటుడు అడివి శేష్‌ కోసం. శేష్‌ తాజా చిత్రంలోని ‘హృదయమా..’ పాటను పియానోతో ప్లే చేసి వావ్‌ అనిపించాడు. ఆ వీడియోను శేష్‌ తన ట్విటర్‌ ఖాతాలో పోస్ట్‌ చేశాడు. ఇప్పుడు ఆ వీడియో సోషల్‌ మీడియాలో వైరల్‌గా మారింది.

అడివి శేష్ హీరోగా శశి కిరణ్ తిక్క దర్శకత్వంలో రూపొందిన చిత్రం ‘మేజర్’. ఈ సినిమాలో ‘హృదయమా…’ అనే పాటకు మంచి స్పందన వస్తోంది. ఈ మెలోడియస్‌ సాంగ్‌ని అకీరా పియానోతో అందంగా ట్యూన్ చేశాడు. ఆ వీడియోను శేష్‌ ట్వీట్‌ చేస్తూ సినిమా సంగీత దర్శకుడు శ్రీచరణ్‌ పాకాలకు ట్యాగ్‌ చేస్తూ ఆనందం వ్యక్తం చేశారు. దాంతోపాటు హార్ట్ ఫుల్‌గా ఉంది. లవ్ యూ అంటూ రాసుకొచ్చాడు శేష్‌.

అకీరా మార్షల్ ఆర్ట్స్‌లో మంచి ప్రావీణ్యం పొందాడు. దీనికి సంబంధించిన కొన్ని వీడియోలు వైరల్‌ అయ్యాయి. మొన్నీమధ్య గ్రాడ్యుయేషన్‌ సందర్భంగా అకీరా ‘ఆర్‌ఆర్‌ఆర్’లోని ‘దోస్తీ’ సాంగ్‌ని ప్లే చేసి డెడికేట్‌ చేశాడు. అప్పుడు కూడా ఆ వీడియో వైరల్‌ అయ్యింది. ఆ సందర్భంగా స్కూల్‌ టీమ్‌ చెబుతూ పియానోతో సింగిల్స్‌ చేస్తుంటాడని చెప్పారు. ఇప్పుడు ఆ ప్రతిభను ‘మేజర్‌’ పాటతో మరోసారి చూశాం.

‘మేజర్’ సినిమా విషయం చూస్తే… జూన్ 3న విడుదలైన ఈ చిత్రం బాక్సాఫీసు దగ్గర మంచి విజయాన్ని అందుకుంది. మేజర్ సందీప్ ఉన్నికృష్ణన్ రియల్ స్టోరీ ఆధారంగా తెరకెక్కిన ఈ సినిమాను చూసి ప్రేక్షకులు చేస్తున్నారు. అకీరా సంగతి చూస్తే సినిమాల్లోకి వచ్చే అవకాశం లేదని ఆ మధ్య రేణు దేశాయ్‌ సోషల్‌ మీడియాలో రాసుకొచ్చారు. అయితే విద్యాభ్యాసం పూర్తయ్యాక సినిమాల్లోకి ఎంట్రీ ఇవ్వొచ్చు అనే మాట వినిపిస్తోంది.