పవన్ కళ్యాణ్ కంటే ఎదిగిపోయిన అకీరా

మెగాస్టార్ చిరంజీవి కొడుకు రామ్ చరణ్ తేజ్ సినిమాల్లోకి ఎంట్రీ ఇచ్చి తండికి తగ్గ తనయుడిగా నిరూపించుకున్నారు. అంతేకాదు నిర్మాతగానూ విజయవంతమయ్యారు. ఇక చిరు పెద్ద తమ్ముడు నాగేంద్ర బాబు తనయుడు వరుణ్ తేజ్ కూడా వినూత్న కథలు ఎంచుకొని హీరోగా తనకంటూ ఓ గుర్తింపును సొంతం చేసుకున్నాడు. ఇక పవన్ కళ్యాణ్ కొడుకు అకీరా నందన్ హీరోగా ఎంట్రీ గురించి కొన్ని రోజులుగా అభిమానుల్లో చర్చ సాగుతోంది. ఈ సమయంలో అకీరా ఫోటో బయటికి రావడం సంచలనమైంది. పవన్ కళ్యాణ్ కూతురు ఆద్య, కొడుకు అకీరాతో కలిసి నడిచి వెళుతున్న ఫొటో ప్రస్తుతం సోషల్ మీడియాలో చక్కర్లు కొడుతోంది.

అందులో అకీరా పవన్ కంటే ఎత్తుగా ఉండడం చూసి అభిమానులు సంబరపడుతున్నారు. డాడీని మించిపోయాడని ఆనందం వ్యక్తం చేస్తున్నారు. హైట్ లోనే కాదు నటన, సేవలో తండ్రికి మించి పోవాలని, టాలీవుడ్ లో పవన్ స్థానాన్ని అతను కైవశం చేసుకోవాలని కోరుకుంటున్నారు. తల్లి రేణు దేశాయ్ అకీరాని హీరోగా పరిచయం చేయడానికి మంచి టైమ్ కోసం ఎదురుచూస్తోంది.

Also, do SUBSCRIBE to our YouTube channel to get latest Tollywood updates.