అక్కినేని ఫ్యామిలీ నుంచి హీరోగా ఎంట్రీ ఇచ్చిన అఖిల్.. తన కెరీర్ లో సరైన హిట్టు కోసం ఎదురుచూస్తున్నారు. ఆయన నటించిన ‘హలో’, ‘మిస్టర్ మజ్ను’ వంటి సినిమాలు ఏవరేజ్ గా ఆడాయి. ‘మోస్ట్ ఎలిజిబుల్ బ్యాచిలర్’ సినిమాతో మంచి విజయాన్ని అందుకున్నారు అఖిల్. ఇప్పుడు హిట్టును నిలబెట్టుకునే పనిలో పడ్డారు. సురేందర్ రెడ్డి దర్శకత్వంలో ‘ఏజెంట్’ అనే సినిమాలో నటిస్తున్నారు. ఈ సినిమా కోసం అఖిల్ తన లుక్ ని మార్చుకున్నారు.
సిక్స్ ప్యాక్ తో, లాంగ్ హెయిర్ తో చాలా స్టైలిష్ గా రెడీ అయ్యారు. అలానే ఈ సినిమాలో యాక్షన్ సీన్స్ కోసం చాలా కష్టపడ్డారు. ఆగస్టు 12న ఈ సినిమాను విడుదల చేస్తున్నట్లు అనౌన్స్ చేశారు. సినిమా చెప్పిన టైంకి రాదనే మాటలు వినిపిస్తున్నాయి. ఇదిలా ఉండగా.. తాజాగా ఈ సినిమాకి సంబంధించిన టీజర్ ను విడుదల చేశారు. టీజర్ ని బట్టి అవుట్ అండ్ అవుట్ యాక్షన్ ఎంటర్టైనర్ గా సినిమాను తెరకెక్కించారనిపిస్తుంది.
టీజర్ మొత్తాన్ని యాక్షన్ సీన్స్ తో నింపేశారు. దేశం కోసం ఫైట్ చేసే ఓ స్పైగా కనిపించబోతున్నారు అఖిల్. అతడి క్యారెక్టర్ ఎలా ఉండబోతుందో మమ్ముట్టి డైలాగ్స్ తో వెల్లడించారు. వైల్డ్ రైడ్ అంటూ అఖిల్ యాక్షన్ సీన్స్ లో ఇరగదీశాడు. అలానే టీజర్ చివర్లో అఖిల్ నోట ఓ బూతు కూడా వినిపించింది. టీజర్ అయితే చాలా స్టైలిష్ గా కట్ చేశారు.
హై వోల్టేజ్ స్పై థ్రిల్లర్‌గా తెరకెక్కుతున్న ఈ సినిమాను ఎ.కె.ఎంట‌ర్‌టైన్మెంట్ బ్యాన‌ర్‌పై అనీల్ సుంక‌ర నిర్మిస్తున్నారు. ఇందులో సాక్షి వైద్య హీరోయిన్ గా కనిపించనుంది. పాన్ ఇండియా లెవెల్ లో ఈ సినిమాను రిలీజ్ చేయబోతున్నారు. ఈ సినిమాకి హిప్ హాప్ తమిజా సంగీతం అందించగా, రసూల్ ఎల్లోర్ సినిమాటోగ్రాఫర్ గా పని చేస్తున్నారు.
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
Home
