సినిమా నటీనటుల రీయూనియన్‌ ఎప్పుడైనా చూశారా

స్కూల్‌ బ్యాచ్‌ రీయూనియన్ల గురించి మీకు తెలిసే ఉంటుంది. 80s నాయకానాయికల రీయూనియన్‌ గురించి కూడా వినే ఉంటారు. మరి సినిమా చిత్రబృందం రీయూనియన్‌ గురించి విన్నారా. అన్నీ అనుకున్నట్లు జరిగితే 11వ తేదీన అలాంటి రీయూనియన్‌ చూడొచ్చు. ఇంతకీ ఆ సినిమా ఏంటి అని అనుకుంటున్నారా? ఇంకేది… గతేడాది సంక్రాంతికి వచ్చి… బాక్సీఫీసును షేక్‌ చేసి ‘అల వైకుంఠపురములో’ టీమ్‌. అవును సినిమా వచ్చి ఏడాది పూర్తయిన సందర్భంగా చిత్రబృందం రీయూనియన్‌ పెట్టాలని అనుకున్నారట.

‘అల వైకుంఠపురములో’ విడుదలై మంచి విజయం సాధించాక వరుస సక్సెస్‌ మీట్లు పెట్టారు. అన్నీ కుదిరితే 100 రోజుల వేడుక కూడా చేసేవారే. అయితే లాక్‌డౌన్‌ పరిస్థితులు రావడంతో అలాంటివేవీ జరగలేదు. చిత్రబృందానికి ధన్యవాదాలు చెప్పాలనే ఆలోచన వచ్చిందేమో, లేక ఒక సంవత్సరం పూర్తవుతున్న సందర్భంగా మొత్తం టీమ్‌ రీయూనియన్‌ ఏర్పాటు చేయాలని నిర్ణయించుకున్నారు. గీతా ఆర్ట్స్‌ ఆఫీసు పరిసరాల్లో ఈ కార్యక్రమం పెట్టాలనుకున్నారు. దీనికి సంబంధించి చిత్ర ప్రధాన నటీనటులు, ప్రధాన సాంకేతిక నిపుణులు ఆహ్వానాలు కూడా అందాయట.

కార్యక్రమంలో తమన్‌ లైవ్‌ కాన్సర్ట్‌ను కూడా ఏర్పాటు చేస్తున్నారని వార్తలొస్తున్నాయి. అయితే కరోనా పరిస్థితులు కారణంగా కీలక సభ్యులు హాజరు కావడానికి ఆసక్తి చూపించడం లేదనే వార్తలు కూడా వస్తున్నాయి. ఈ నేపథ్యంలో కార్యక్రమం వాయిదా పడుతుందని అంటున్నారు. కొంతమందైతే రద్దయ్యే అవకాశమూ ఉందని చెబుతున్నారు. చూద్దాం కార్యక్రమం జరగాల్సింది రేపే కదా… ఈ రోజు ఏదైనా సమాచారం వస్తుందేమో.

Most Recommended Video

క్రాక్ సినిమా రివ్యూ & రేటింగ్!
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
అల్లు అర్జున్ నుండి నాగ చైతన్య వరకు.. అందమైన స్టార్ కాపుల్స్.. సతీమణులే స్పెషల్ ఎట్రాక్షన్!