టాలీవుడ్ ప్రముఖ కమెడియన్లలో ఒకరైన అలీ తన కూతురి పెళ్లిని గ్రాండ్ గా చేసిన సంగతి తెలిసిందే. ఎంతోమంది సినీ, రాజకీయ ప్రముఖులు ఈ వివాహ వేడుకకు హాజరై నూతన వధూవరులను ఆశీర్వదించారు. ఏదైనా కారణం చేత పెళ్లికి హాజరు కాని వాళ్లు రిసెప్షన్ కు హాజరయ్యారు. అయితే ఈ వివాహ వేడుకలో పవన్ ఎక్కడా కనిపించకపోవడంతో పవన్, అలీ మధ్య దూరం పెరిగిందని కామెంట్లు వినిపించాయి. అయితే వైరల్ అయిన వార్తలకు సంబంధించి అలీ చెక్ పెట్టే ప్రయత్నం చేశారు.
కూతురి పెళ్లికి సంబంధించిన శుభలేఖను పవన్ కు ఇవ్వడం జరిగిందని అలీ అన్నారు. పవన్ కళ్యాణ్ సెక్యూరిటీ సిబ్బంది వచ్చి రూట్ మ్యాప్ కూడా చూసుకున్నారని ఆయన కామెంట్లు చేశారు. అయితే ఫ్లైట్ క్యాన్సిల్ కావడం వల్ల వివాహానికి పవన్ హాజరు కావాలని అనుకున్నా హాజరు కాలేకపోయారని అలీ కామెంట్లు చేశారు. పవన్ కళ్యాణ్ ఫోన్ ద్వారా ఈ విషయాన్ని తెలియజేయడంతో పాటు త్వరలోనే వధూవరులను కలిసి ఆశీర్వదిస్తానని చెప్పారని అలీ పేర్కొన్నారు.
అలీ క్లారిటీ ఇవ్వడంతో పవన్ కళ్యాణ్ అలీ మధ్య దూరం ఉందని జరిగిన ప్రచారంలో ఏ మాత్రం నిజం లేదని స్పష్టత వచ్చింది. నూతన వధూవరులను త్వరలో ఆశీర్వదించి విమర్శలకు చెక్ పెట్టాలని పవన్ కూడా అనుకుంటున్నారని తెలుస్తోంది. మరోవైపు పవన్ ప్రస్తుతం హరిహర వీరమల్లు షూట్ లో పాల్గొంటున్నారు.
వీక్ డేస్ లో మాత్రమే పవన్ సినిమాల షూటింగ్ లో పాలొంటున్నారని సమాచారం అందుతోంది. హరిహర వీరమల్లు మూవీకి రికార్డ్ స్థాయిలో బిజినెస్ ఆఫర్లు వస్తున్నాయని బోగట్టా. క్రిష్ ఈ సినిమా కోసం ఎంతో కష్టపడుతున్నారు. హరిహర వీరమల్లు మూవీతో క్రిష్ కష్టానికి తగిన ఫలితం దక్కుతుందేమో చూడాల్సి ఉంది.
లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..
Home