తన స్టార్ డమ్, క్రేజ్ ను టాలీవుడ్ కి మాత్రమే పరిమితం చేయకుండా ఖండాంతరాలకు వ్యాపింపజేస్తున్నాడు అల్లు అర్జున్. ఇటీవలే స్టైలిష్ స్టార్ నుంచి సథరన్ స్టార్ గా మారిపోయిన అల్లు అర్జున్ క్రేజ్ కి బాలీవుడ్ బ్యూటీస్ కూడా ఫిదా అవుతున్నారు. బాలీవుడ్ మోస్ట్ వాంటెడ్ హీరోయిన్ అయిన ఆలియా భట్ ఇటీవల ఒక ఈవెంట్ లో తాను అల్లు అర్జున్ తో నటించాలని కోరుకొంటున్నాను అని చెప్పడం వైరల్ అయ్యింది. ఈ విషయం ఇంకా పూర్తిగా వ్యాపించకుండానే మొన్న “జీరో” ప్రమోషన్స్ కోసం హైద్రాబాద్ వచ్చిన షారుక్ ఖాన్ కూడా అల్లు అర్జున్ చాలా స్వీట్ అనీ, తనతో స్పెండ్ చేయాలనుకుంటున్నాని చెప్పడం వైరల్ అయ్యింది.
ఆలిండియా సూపర్ స్టార్ లాంటి షారుక్ ఖాన్ మన అల్లు అర్జున్ ను మెచ్చుకోవడం అంటే మామూలు విషయమా చెప్పండి. ఆల్రెడీ తెలుగు, తమిళ, మలయాళ భాషల్లో సూపర్ క్రేజ్ సొంతం చేసుకొన్న అల్లు అర్జున్ త్వరలోనే బాలీవుడ్ లోనూ గ్రాండ్ ఎంట్రీ ఇస్తాడేమో చూడాలి. అల్లు అర్జున్ కు ఇదివరకు కూడా బాలీవుడ్ ఆఫర్స్ వచ్చినప్పటికీ.. ఎందుకో రిస్క్ చేయలేదు. మరి ఇప్పుడు తాను సొంతం చేసుకున్న స్టార్ డమ్ ను దృష్టిలో పెట్టుకొని ఏమైనా ప్రయత్నిస్తాడేమో చూడాలి.
