Alia Bhatt: ‘ఆర్‌ఆర్‌ఆర్‌’ ప్రచారం… ఆలియా సంగతేంటి?

March 9, 2022 / 07:50 PM ISTByFilmy Focus

Join Us

Alia Bhatt: ‘ఆర్‌ఆర్‌ఆర్‌’ ప్రచారం… ఆలియా సంగతేంటి?

అదేదో సామెత చెప్పినట్లు… ఆయనొచ్చే మళ్లీ మొదలెట్టు అన్నట్లుగా తయారైంది ‘ఆర్‌ఆర్ఆర్‌’ పరిస్థితి. సినిమా రిలీజ్‌ అనుకోవడం, ప్రచారం చేయడం, తీరా సినిమా రిలీజ్‌కు ముందు లేదంటే కొన్ని నెలల ముందు సినిమా విడుదల ఆగిపోవడం. ‘ఆర్‌ఆర్‌ఆర్‌’ సినిమా పరిస్థితిని కంటిన్యూస్‌గా ఫాలో అయ్యేవాళ్లకు ఈ విషయం బాగా తెలుసు. ఎప్పటి విషయాలో ఎందుకు, మొన్న సంక్రాంతికి ఏమైంది మనమంతా చూశాం. వరుసగా ప్రమోషనల్‌ ఈవెంట్లు చేసుకుంటూ హైదరాబాద్‌ వచ్చేసరికి సినిమా విడుదల ఆగిపోయింది.

Click Here To Watch Now

ఇప్పుడు మళ్లీ తిరిగి మొదలెట్టాల్సి ఉంది. ‘ఆర్‌ఆర్‌ఆర్‌’ సినిమా ప్రచారానికి రాజమౌళి, ఎన్టీఆర్‌, రామ్‌చరణ్‌ ఉంటే సరిపోతుంది. ఇంతకుమించిన ప్రచార వీరులు ఆ సినిమాకు అక్కర్లేదు. కానీ చిత్రబృందం ఆలియా భట్‌, అజయ్‌ దేవగణ్‌ను రంగంలోకి దింపింది. అన్ని భాషల్లో జరిగిన ప్రమోషనల్‌ ఈవెంట్స్‌కి ఆలియాను తీసుకొచ్చారు. హైదరాబాద్‌ ఈవెంట్‌ కోసమైతే ఆమెను బతిమాలి మరీ తీసుకొచ్చారని టాక్‌. అయితే ఇప్పుడు తాజా ప్రచారానికి ఆమెను తీసుకురావడం లేదంటున్నారు. ‘ఆర్‌ఆర్‌ఆర్‌’ను మార్చి 25న విడుదల చేస్తున్న విషయం తెలిసిందే.

ఇప్పటికే ప్రచారం కోసం ఉన్న దారులన్నింటినీ చిత్రబృందం వాడేసింది. అయినప్పటికీ రాజమౌళి టీమ్‌, పీఆర్‌ టీమ్‌ కలసి కొత్త ప్లాన్స్‌ వేస్తున్నారట. వాటికి ప్రయత్నాలు సాగుతున్నాయి. ‘రాధేశ్యామ్‌’ ప్రచారం హడావుడి తగ్గాక ‘ఆర్‌ఆర్‌ఆర్‌’ ప్రమోషన్‌ షురూ చేస్తారని అంటున్నారు. దానికి ఆలియా భట్‌ రావడం లేదు అనేది టాక్‌. అయితే ఆలియా భట్‌ రావడం లేదా లేక వీళ్లే వద్దన్నారా అనేది ఇక్కడ ప్రశ్నగా మిగిలిపోయింది. అలియా ఫుల్ బిజీగా ఉండటం ఒక కారణమని చెబుతున్నారు.

వరుస షెడ్యూల్స్‌ ఉండటం వల్ల ఆమె రావడం కష్టం అంటున్నారు. అయితే ఇప్పుడు ఆమె వస్తే మళ్లీ ఆమె కింద పెద్ద మొత్తంలో డబ్బులు ఖర్చు పెట్టడం ఎందుకు అని చిత్రబృందం అనుకుంటోందని టాక్‌. గ‌త సీజ‌న్ ప్రచారంలో ఆలియా కోసం సుమారు రూ. మూడు కోట్ల ఖర్చు చేశారని టాక్‌. ఆమె ఫ్లయిట్‌ ఖర్చులు, టీమ్‌ కోసం చేసిన ఏర్పాట్లు… ఇలా భారీగానే ఖర్చయిందట. ఇప్పుడు మళ్లీ అంటే అంత మొత్తం అవుతుంది. అవసరమైతే ముంబయిలో పెట్టే ఈవెంట్‌కి ఆమెను రమ్మంటారని సమాచారం.