ఆనంద్ దేవరకొండ.. లక్కీ ఛాన్స్ కొట్టేశాడు

January 29, 2021 / 09:24 PM ISTByFilmy Focus

Join Us

ఆనంద్ దేవరకొండ.. లక్కీ ఛాన్స్ కొట్టేశాడు

రౌడీ స్టార్ విజయ్ దేవరకొండ ప్రస్తుతం ఇండస్ట్రీలో టాప్ హీరోల్లో ఒకడిగా కొనసాగుతున్న విషయం తెలిసిందే. ఇక నెక్స్ట్ లైగర్ అనే పాన్ ఇండియా సినిమాను రెడీ చేస్తున్నాడు. అయితే దేవరకొండ తమ్ముడు ఆనంద్ కూడా కష్టపడి అన్నలాగా కాకపోయినా తనకంటూ ఒక క్రేజ్ అందుకోవాలని చూస్తున్నాడు. దొరసాని సినిమాతో ఆనంద్ ఇండస్ట్రీలోకి అడుగు పెట్టిన విషయం తెలిసిందే. ఆ సినిమా విడుదలకు ముందు బాగానే హైప్ క్రియేట్ చేసింది.

విజయ్ దేవరకొండ కూడా ప్రమోషన్స్ కు సపోర్ట్ చేశాడు. కానీ ఆ సినిమా ఏ రేంజ్ లో డిజాస్టర్ అయ్యిందో స్పెషల్ గా చెప్పనవసరం లేదు. ఇక సెకండ్ మూవీ మిడిల్ క్లాస్ మెలోడీస్ లాక్ డౌన్ కారణంగా ఓటీటీలో విడుదలైన విషయం తెలిసిందే. ఆ సినిమాతో ఆనంద్ పాజిటివ్ టాక్ ను అందుకున్నాడు. ఇక నెక్స్ట్ అదే తరహాలో హిట్ కొట్టాలని మూడవ సినిమాతో రెడీ అవుతున్నాడు. ఒక విదంగా గోల్డెన్ ఛాన్స్ కొట్టేశాడని చెప్పవచ్చు.

ఎందుకంటే సీనియర్ ప్రొడ్యూసర్ సురేష్ బాబు ప్రొడక్షన్ లో అవకాశం అందుకున్నట్లు తెలుస్తోంది. కళ్యాణ్ రామ్ తో 118 సినిమాను తెరకెక్కించిన KV గుహన్ ఆ సినిమాను రూపొందించే అవకాశం ఉన్నట్లు సమాచారం. త్వరలోనే ఈ కాంబినేషన్ పై అఫీషియల్ ఎనౌన్స్మెంట్ రానున్నట్లు తెలుస్తోంది. అలాగే ఆనంద్ మరో కొత్త దర్శకుడికి కూడా గ్రీన్ సిగ్నల్ ఇచ్చినట్లు సమాచారం.