Suriya, Ram Charan: క్రేజీ మల్టీస్టారర్ సెట్ చేసే పనిలో దర్శకుడు.. వర్కౌట్ అయితే..!

కోలీవుడ్ స్టార్ హీరో సూర్య (Suriya) , మెగా పవర్ స్టార్ రాంచరణ్… ఇద్దరికీ పాన్ ఇండియా ఫాలోయింగ్ ఉంది. ‘ఆర్.ఆర్.ఆర్’ (RRR) సినిమాతో రాంచరణ్ (Ram Charan) ఓ మెట్టు పైకి ఎక్కాడు. కానీ ‘కంగువా’ (Kanguva) ఫ్లాప్ అవ్వడం వల్ల సూర్య కొంచెం వెనుకబడ్డాడు. అయితే ‘రోలెక్స్’ రోల్.. కి గ్లోబల్ రీచ్ ఉంది. ఇక ఈ ఇద్దరి హీరోల కలయికలో ఒక సినిమా వస్తే.. ఏ రేంజ్లో అంచనాలు ఏర్పడతాయో ప్రత్యేకంగా చెప్పనవసరం లేదు.

Suriya, Ram Charan

ఈ కాంబో సెట్ అయితే బాగుణ్ణు అని వీరి అభిమానులు కూడా ఎక్కువగానే కోరుకుంటున్నారు. ఎందుకంటే ఎలాంటి పాత్రకైనా బెస్ట్ ఇవ్వడంలో సూర్య సిద్ధహస్తుడు. ఇక ఎలాంటి సినిమాని అయినా తన ఇమేజ్ తో నెక్స్ట్ లెవెల్ కి తీసుకెళ్లడంలో రాంచరణ్ సిద్ధహస్తుడు. అందుకే ఈ కాంబో సెట్ అవ్వాలని చాలా మంది కోరుకుంటున్నారు. ఆల్రెడీ ఓ దర్శకుడు ఈ కాంబోని సెట్ చేసే పనిలో ఉన్నట్లు తెలుస్తుంది.

అతను మరెవరో కాదు కన్నడ దర్శకుడు నార్తన్. ఇతను రాంచరణ్ కి ఓ కథ చెప్పి ఇంప్రెస్ చేసి చాలా కాలం అయ్యింది. ‘యూవీ’ సంస్థ ఈ చిత్రాన్ని నిర్మించాలని అనుకుంది. కానీ ఎందుకో ఆ ప్రాజెక్టు సెట్ అవ్వలేదు. ఇక ఇటీవల ఓ ఇంటర్వ్యూలో పాల్గొన్న నార్తన్ మాట్లాడుతూ.. ” ‘కేవీఎన్ ప్రొడక్షన్’ హౌస్ కి నేను ఒక సినిమా చేయాలి.

ఇది పెద్ద ప్రాజెక్టు. దీనికోసం రాంచరణ్, సూర్య..లని హీరోలుగా సంప్రదిస్తున్నాం” అంటూ చెప్పుకొచ్చాడు. నార్తన్ ప్రయత్నం ఫలిస్తే.. మనం ఓ క్రేజీ మల్టీస్టారర్ ని చూసే అవకాశం దక్కుతుంది. చరణ్, సూర్య.. ఇద్దరూ మంచి స్నేహితులు కాబట్టి.. నార్తన్ సినిమాకు ఓకే చెబుతారేమో చూద్దాం

ప్రశాంత్ వర్మ దగ్గర ఉన్న 33 కథలు కాపీ కథలేనా?