ఒక పని చేసే ముందు ఆలోచించి అడుగు వెయ్యాలి…అందులోనూ సినిమా నిర్మాణం అంటే మామూలు విషయం కాదు, ఇప్పుడున్న పరిస్థితుల్లో ఏమాత్రం తేడా వచ్చినా సినిమా డమాల్ అంటుంది. అయితే ఒకటి కాదు, రెండు కాదు దాదాపుగా 5 ఏళ్లు పట్టింది మన రాజమౌళికి బాహుబలి లాంటి బడా సినిమాని తెరకెక్కించడానికి, రాత్రి పగలు తేడా లేకుండా కష్టపడి ఈ సినిమాని తెరకెక్కించి భారీ హిట్ చేశాడు. అయితే కలెక్షన్స్, రికార్డ్స్ అన్నింటిని తన జేబులో వేసుకున్న బాహుబలిని టార్గెట్ చేస్తూ అంతకన్నా భారీ ప్రాజెక్ట్ అంటూ మన మెగా ప్రొడ్యూసర్ అల్లు అరవింద్ నిర్మాతగా ఒక మెగా ప్రాజెక్ట్ స్టార్ట్ చేయనున్నారు అని ఇప్పటికే టాలీవుడ్ లో వినిపిస్తున్న టాక్. అయితే రామాయణ కథతో అరవింద్ 500 కోట్ల భారీ బడ్జెట్ తో సినిమా తీస్తున్నట్లు ఇప్పటికే ఎనౌన్స్ చేసేసాడు కూడా. అయితే ఆ సినిమా ఎనౌన్స్ మెంట్ వచ్చి నెల రోజులవుతున్నా సినిమా మీద ఎలాంటి అప్డేట్ రాలేదు. అంతవరకూ బాగానే ఉంది కానీ…రీసెంట్ గా గీతా ఆర్ట్స్ బ్యానర్లో ‘సంపూర్ణ రామాయణం’ టైటిల్ రిజిస్టర్ చేయించినట్టు తెలుస్తుంది. టైటిల్ ను ఎంచుకున్నారు…బాగానే ఉంది కానీ ఇక ఈ సినిమాలో రాముడిగా ఎవరు నటిస్తారు? అన్న దాని మీద సోషల్ మీడియాలో పెద్ద చర్చే నడుస్తుంది.
కొందరు ఏమో రాం చరణ్ రాముడిగా చేస్తాడని అంటుండగా కొందరు అయితే అదే అల్లు అర్జున్ హార్డ్ కోర్ ఫ్యాన్స్ అల్లు అర్జున్ రాముడవుతాడని అంటున్నారు. మెగా హీరోల్లో ఇద్దరు నేనంటే నేను అన్న రీతిలో పోటీ పడుతున్నారు. ఈ క్రమంలో అల్లు అరవింద్ ఫైనల్ గా ఎవరిని రాముడిగా ఓకే చేస్తాడో చూడాలి. అయితే మనం ఫ్రాంక్ గా చెప్పుకోవాలి అంటే ఈ ఇద్దరు హీరోలు ఈ పాత్రకు సెట్ కారు. మరి ఒక పక్క టైటిల్ రిజిస్టర్ చేసేసారు, మరి అసలు కథ సినిమా ఎప్పుడు స్టార్ట్ చేస్తారో చూడాలి. ఇక ఈ సినిమాని కేవలం తెలుగులోనే కాకుండా తమిళ మళయాల హింది భాషల్లో కూడా ఈ సినిమా రిలీజ్ చేయాలని చూస్తున్నారు. ప్రస్తుతానికి నిర్మాత తప్ప ఈ సినిమా గురించి ఇంకా ఏం ఫైనల్ కాలేదు…చూడాలి మరి ఈ సినిమాలో ఎవరు ఎలా నటించబోతున్నారో.
Also, do SUBSCRIBE to our YouTube channel to get latest Tollywood updates.
