మహేష్ బాబు రిజెక్ట్ చేసిన కథతోనే సుక్కూ-బన్నీల సినిమా

ఒక హీరో రిజెక్ట్ చేసిన కథతో మరో హీరో సినిమా తెరకెక్కడం అనేది సినిమా ఇండస్ట్రీలో సర్వసాధారణంగా జరిగే విషయం. కానీ.. ఇప్పుడు మహేష్ బాబు రిజెక్ట్ చేసిన ఒక కథను బన్నీ ఒకే చేయడం చర్చనీయాంశం అయ్యింది. మహేష్ బాబు-సుకుమార్ కాంబినేషన్ లో తెరకెక్కాల్సిన సినిమా క్రియేటివ్ డిఫరెన్సస్ కారణంగా ఆగిపోయిన విషయం తెలిసిందే. జూన్ లో రెగ్యులర్ షూట్ కి వెళ్లాల్సిన ఈ చిత్రం కారణాంతరాల వలన మొదలవ్వకుండానే ఆగిపోయింది. అయితే.. సుకుమార్ ఎక్కువ లేట్ చేయకుండా ఇమ్మీడియట్ గా బన్నీతో సినిమా ఎనౌన్స్ చేయడం, ఆ చిత్రాన్ని మైత్రీ మూవీ మేకర్స్ నిర్మించడానికి ముందుకు రావడంతో.. “ఆర్య, ఆర్య 2” తర్వాత బన్నీ-సుక్కూల కాంబో సినిమా ఫిక్స్ అయినందుకు అల్లు అర్జున్ ఫ్యాన్స్ అందరూ ఫుల్ ఖుష్ అయ్యారు.

• లక్ష్మీస్ ఎన్టీఆర్  రివ్యూ కోసం ఇక్కడ క్లిక్ చేయండి
• సూర్యకాంతం రివ్యూ కోసం ఇక్కడ క్లిక్ చేయండి
• మెగా అభిమానులు నన్ను వాళ్ళ సొంత చెల్లెల్లా చూసుకుంటారు : నీహారిక కొణిదెల
• ఐరా రివ్యూ కోసం ఇక్కడ క్లిక్ చేయండి

కట్ చేస్తే.. ఈ సినిమాకి సుకుమార్ కొత్త కథ రాయలేదని, మహేష్ బాబు రిజెక్ట్ చేసిన కథకే చిన్న చిన్న మార్పులు చేసి బన్నీతో ఒకే చేయించుకున్నాడని వినికిడి. గంధపు చెక్కల స్మగ్లింగ్ నేపధ్యంలో తెరకెక్కనున్న ఈ చిత్రం రెగ్యులర్ షూటింగ్ 2020లో మొదలవ్వనుంది. ఈలోపు సుకుమార్ తన నిర్మాణ సారధ్యంలో రూపొందనున్న సినిమాలకు కథ మరియు దర్శకత్వ సహకారం అందిస్తాడని తెలుస్తోంది. మరి మహేష్ రిజెక్ట్ చేసిన కథ అల్లు అర్జున్ కి అచ్చొస్తుందో లేదో చూడాలి.