స్టార్ హీరో అల్లు అర్జున్ పుష్ప పార్ట్1 షూటింగ్ పూర్తైన తర్వాత ఐకాన్ సినిమా షూటింగ్ లో పాల్గొననున్నారు. ఐకాన్ మూవీ పాన్ ఇండియా మూవీగా తెరకెక్కనుండగా ఇతర భాషల్లో మంచి పేరున్న ఆర్టిస్టులను ఈ సినిమాలో తీసుకోనున్నారని తెలుస్తోంది. తమిళ, హిందీ, మలయాళ భాషల్లో పేరు సంపాదించుకున్న నటులకు ఈ సినిమాలో ప్రాధాన్యత ఉండనుందని సమాచారం. అయితే అల్లు అర్జున్ బోయపాటి శ్రీను కాంబినేషన్ లో ఒక సినిమా తెరకెక్కాల్సి ఉండగా ఇప్పట్లో ఆ సినిమా ఉండదని తెలుస్తోంది.
స్టార్ హీరో బన్నీ లెక్క మారిందని పుష్ప పార్ట్ 1 తర్వాత ఐకాన్ సినిమాను బన్నీ పూర్తి చేయనున్నారని ఇండస్ట్రీ వర్గాల్లో వినిపిస్తోంది. బోయపాటి శ్రీను చెప్పిన కథ బన్నీకి నచ్చినా ఆ సినిమా కథ పాన్ ఇండియాకు సూట్ కాదనే కారణంతో బన్నీ బోయపాటి శ్రీనుకు నో చెప్పినట్టు సమాచారం. అయితే ఈ ప్రచారంలో నిజానిజాలు తెలియాల్సి ఉంది. ఐకాన్ మూవీ భారీ బడ్జెట్ తో తెరకెక్కనుండగా ఈ సినిమాకు సంబంధించిన వివరాలు తెలియాల్సి ఉంది.
తెలుగుతో పాటు మలయాళంలో భారీస్థాయిలో మార్కెట్ ఉన్న అల్లు అర్జున్ ఇతర భాషల్లో కూడా మార్కెట్ ను పెంచుకోవడానికి ప్రయత్నాలు చేస్తుండటం గమనార్హం. పుష్ప పార్ట్1 కూడా హిట్టైతే బన్నీ మార్కెట్ మరింత పెరిగే అవకాశాలు అయితే ఉంటాయి. ఐకాన్ లో బన్నీకి జోడీగా పూజా హెగ్డే, కృతిశెట్టిలను తీసుకుంటారని ప్రచారం జరుగుతుండగా ఈ హీరోయిన్లు ఫైనల్ అయ్యే అవకాశాలు ఎక్కువగా ఉన్నాయి.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
