స్టైలిష్ స్టార్ అల్లు అర్జున్ చేసిన దువ్వాడ జగన్నాథం ఫరవాలేదనిపించినా… వక్కంతం వంశీ దర్శకత్వంలో నటించిన నా పేరు సూర్య మాత్రం పూర్తిగా నిరాశపరిచింది. వరుసగా రెండు దెబ్బలు పడడంతో బన్నీ ఆలోచనలో పడ్డారు. ఏ కథ తీసుకోవాలి.. ఏ డైరక్టర్ తో సినిమా చేయాలా? అని రెండు నెలలుగా కన్ఫ్యూజన్ లో ఉండేవారు. తాజాగా ఆ ఆలోచనల నుంచి బయటికి వచ్చి ఓ నిర్ణయాన్ని తీసుకున్నట్టు సమాచారం. తమిళ డైరక్టర్ లింగుస్వామి, విక్రమ్ కె కుమార్, శేఖర్ కమ్ముల చెప్పిన కథలు విన్న బన్నీ.. వారికి కొన్ని మార్పులు చెప్పి బెటర్ గా తీసుకురావాలని సూచించారంట.
ఈ ముగ్గురిలో ముందుగా విక్రమ్ కుమార్ స్క్రిప్ట్ కంప్ల్లెట్ చేసి తీసుకొచ్చారంట. ఈ వెర్షన్ బాగుండడంతో ఓకే చెప్పినట్లు ఫిలిం నగర్ వాసులు చెప్పారు. గతంలో బన్నీతో ‘దేశముదురు’ ‘వరుడు’ ‘జులాయి’ లాంటి సినిమాలను తీసిన దానయ్య ఈ చిత్రాన్ని నిర్మించడానికి సిద్ధంగా ఉన్నారు. ఇక ఇందులో అల్లు అర్జున్ లవర్ బాయ్ గా కనిపించబోతున్నట్టు సమాచారం. అందుకు తగ్గట్టుగానే బరువుతగ్గే పనిలో పడ్డట్టు తెలిసింది. ఈ సినిమా గురించి పూర్తి వివరాలు పది రోజుల్లో బయటికి రానుంది.
