అజయ్ భూపతి దర్శకత్వంలో పాయల్ రాజపుత్ హీరోయిన్గా నటించిన తాజా చిత్రం మంగళవారం.. ఈ సినిమా నవంబర్ 17వ తేదీ ప్రేక్షకుల ముందుకు రాబోతున్నటువంటి నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా తాజాగా ప్రీ రిలీజ్ వేడుకను నిర్వహించిన సంగతి మనకు తెలిసిందే. ఈ కార్యక్రమానికి ప్రముఖ స్టార్ హీరో అల్లు అర్జున్ ముఖ్యఅతిథిగా హాజరయ్యారు. ఇలా మంగళవారం సినిమా ప్రీ రిలీజ్ వేడుకలలో భాగంగా అల్లు అర్జున్ స్పెషల్ అట్రాక్షన్ గా నిలిచారు.
ఇక ఈ కార్యక్రమంలో భాగంగా (Allu Arjun) అల్లు అర్జున్ ఈ సినిమా గురించి మాట్లాడుతూ పలు ఆసక్తికరమైన విషయాలను వెల్లడించారు. పాయల్ హీరోయిన్గా నటించిన ఆర్ఎక్స్ 100 సినిమా ఒక ల్యాండ్ మార్క్ సినిమా. ఇక వీరిద్దరి కాంబినేషన్లు తిరిగి రాబోతున్నటువంటి మంగళవారం సినిమా కూడా అలాంటి సినిమా అవుతుందని అల్లు అర్జున్ వెల్లడించారు. డైరెక్టర్ అజయ్ భూపతి మంగళవారం సినిమా కథ నాకు చెప్పినప్పుడు నేను షాక్ అయ్యాను. ఈ సినిమాలో చాలా బోల్డ్ విషయం ఉంది.
ఇలాంటి సినిమాలను చేయాలి అంటే చాలా ధైర్యం కూడా కావాలని అల్లు అర్జున్ తెలిపారు. ఈ సినిమా టీజర్ చూడగానే వెంటనే సినిమా చూడాలనిపించిందని అల్లు అర్జున్ తెలిపారు. ఇలాంటి సినిమాలు చాలా అరుదుగా వస్తుంటాయని ఈయన వెల్లడించారు. అజయ్ భూపతి దర్శకత్వంలో వచ్చిన ఆర్ఎక్స్ 100 సినిమా అంటే నాకు చాలా ఇష్టమని ఆయన ఒక గొప్ప టెక్నీషియన్ అంటూ డైరెక్టర్ పై కూడా ప్రశంసలు కురిపించారు.
ఇక మంగళవారం టీజర్ నేను డైరెక్టర్ సుకుమార్ కు చూపించగా ఆయన కూడా చూసి చాలా షాక్ అయ్యారంట ఈ సందర్భంగా మంగళవారం సినిమా గురించి ప్రీ రిలీజ్ వేడుకలో (Allu Arjun) అల్లు అర్జున్ చేసిన కామెంట్స్ ప్రస్తుతం సోషల్ మీడియాలో వైరల్ అవుతున్నాయి.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
Home
