అల్లు అర్జున్‌.. బాలీవుడ్ ఎంట్రీ! ఇప్పుడు సోషల్ మీడియాలో దీనిపైనే చర్చ జరుగుతోంది. గత కొన్ని రోజులుగా అభిమానులు, నెటిజన్లు బన్నీ బాలీవుడ్ అంటూ ట్వీట్ల జపం చేస్తున్నారు. దీనికి కారణం ‘పుష్ప’ హిందీ వెర్షన్‌కు మంచి స్పందన వస్తుండటమే. మరోవైపు ఆ మధ్య అల్లు అరవింద్‌ కూడా ఈ విషయంలో కాస్త క్లూ ఇచ్చి వదిలేశారు. తర్వాత మాట్లాడదాం అన్నారు గుర్తుండే ఉంటుంది. అయితే బాలీవుడ్ ఎంట్రీ విషయంలో బన్నీ ఆలోచనలు ఎలా ఉన్నాయో తెలుసా? ఇదిగో ఇలా ఉన్నాయి.
‘‘మంచి స్క్రిప్ట్ దొరికితే, అందులో నా పాత్ర ఎక్సయిటింగ్‌గా ఉంటే… కచ్చితంగా బాలీవుడ్‌లోకి ఎంట్రీ ఇస్తాను. అయితే గతంలో ఓసారి ఇలాంటి ఆఫర్ వచ్చింది కానీ, అప్పుడు వర్కౌట్‌ అవ్వలేదు. అయితే త్వరలోనే బాలీవుడ్ ఎంట్రీ ఇస్తానేమో చూడాలి’’ అంటూ బాలీవుడ్ ఎంట్రీపై తన ఆసక్తిని బయటపెట్టాడు బన్నీ. అయితే దీనికి కొన్ని ఆంక్షలు కూడా పెట్టాడు. ప్రస్తుతం బాలీవుడ్ లో నడుస్తున్న ఇద్దరు హీరోల ట్రెండ్‌ను మాత్రం ఫాలో అవ్వనంటున్నాడు. అంటే స్టార్‌ బాలీవుడ్ హీరో, సౌత్‌ నుండి మరో హీరో కలసి నటించే సినిమాలకు దూరం అంటున్నాడు.
ఓ ఇండస్ట్రీలో హీరోగా పేరు తెచ్చుకొని, మరో ఇండస్ట్రీలో ప్రయత్నించడానికి చాలా ధైర్యం కావాలి, రిస్క్ చేయాలి. దానికి నేనెప్పుడూ రెడీ కానీ… బాలీవుడ్‌లో ప్రజెంట్‌ ఉన్న పద్ధతికి నేను వ్యతిరేకం. ఇద్దరు హీరోలుండే హిందీ సినిమాలో సెకెండ్ హీరోగా చేసే ఆలోచన లేదు. మన సినిమాల్లో మనం హీరోగా ఉన్నప్పుడు, మన దగ్గరకొచ్చే ఫిలిం మేకర్స్… హీరో పాత్రలతోనే రావాలి కదా అంటూ లాజిక్‌ మాట్లాడాడు బన్నీ. అంతేకాదు ఏ హీరో కూడా ‘నువ్వు నా సినిమాలో సెకండ్‌ హీరోగా చేస్తావా అని అడగలేడు. అడిగినా నేను చేసే రకం కాదు’’ అని చెప్పాడు బన్నీ.
ఇంత చెప్పిన బన్నీ… రెండు సమానమైన పాత్రలు వస్తే చేస్తాడా? అనే విషయం గురించి చెప్పలేదు. ఎందుకంటే బాలీవుడ్‌లో బన్నీ ఎంట్రీ పక్కా అని, అది షాహిద్‌ కపూర్‌తో అని ఆ మధ్య వార్తలొచ్చాయి. అల్లు అరవింద్‌ నిర్మాణంలోనే ఈ సినిమా ఉంటుందని కూడా అన్నారు. మరి బన్నీ ఆ పని చేస్తాడా? చూడాలి.
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
