బన్నీ చెప్పిన ఆ మాట ఇప్పటికీ గుర్తందంటున్న రానా

మరోసారి స్నేహితులను ఒక స్టేజీ మీదకు తీసుకొచ్చి… రానా మరోసారి ముచ్చట్లు చూపించనున్నాడు. గతంలో రెండుసార్లు ఆయన హోస్ట్‌ చేసిన షో ఇప్పుడు మరోసారి ప్రేక్షకుల ముందుకు రాబోతోంది. అయితే ఈ సారి పూర్తిగా ఓటీటీ వేదికగానే రాబోతోంది. ఈ సందర్భంగా రానా తన స్నేహం గురించి, స్నేహితుల గురించి చెప్పుకొచ్చాడు. ఈ క్రమంలో టాలీవుడ్‌ టాప్‌ హీరోలు రామ్‌చరణ్‌, అల్లు అర్జున్‌తో తన స్నేహం గురించి చెప్పుకొచ్చాడు. అందులో కొన్ని గతంలో విన్నవే అయినా…

ఇంకొన్ని వావ్‌ అనిపించేలా ఉన్నాయి. ఇంతకీ రానా ఏమన్నాడంటే? రామ్‌ చరణ్‌, అల్లు అర్జున్‌, ప్రభాస్‌, చైతన్య.. రానాకు మంచి స్నేహితులు అనే విషయం తెలిసిందే. వీరి గురించే చెప్పుకొచ్చాడు రానా. రామ్‌చరణ్‌ తనకి చిన్నప్పటి నుండి మిత్రుడని చెప్పిన రానా… తన జీవితంలో అతనికి ప్రత్యేక స్థానముంటుందని చెప్పాడు. చరణ్‌ తన 3AM ఫ్రెండ్‌ అని రానా చెప్పాడు. ఎప్పుడు, ఎలాంటి సాయం కావాలన్నా ముందు రామ్‌ చరణ్‌-అల్లు అర్జున్‌కే ఫోన్‌ చేస్తానని చెప్పాడు రానా.

ఇంతకీ హెడ్డింగ్‌ చెప్పిన మేటర్‌ ఎక్కడా? అని అడుగుతారా.. అక్కడికే వస్తున్నాం. రానా కథానాయకుడిగా ఎంటర్‌ అవుతున్న కొత్తలో బన్నీ ఒకసారి షూటింగ్‌కి వచ్చి ‘అరేయ్‌.. ఇక్కడి వరకూ ఏదో స్కెచ్‌‌లేసుకుంటూ వచ్చేశావ్‌. ఇక్కడి నుంచి స్కిల్‌ లేకపోతే పని జరగదు’ అని చెప్పారట.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!