Allu Arjun: వీరాభిమానిని ఎట్టకేలకు కలిసిన అల్లు అర్జున్‌.. తర్వాత ఏమైందంటే?

కొన్నిసార్లు మాటల్లో చెప్పలేని విషయం… కన్నీళ్ల ద్వారా బయటకు వచ్చేస్తుంది అంటారు. అది బాధ అవుతుంది, ఆనందమూ అవుతుంది. ఆ సమయంలో వచ్చే కన్నీళ్లు కొన్ని వేల మాటలకు సమానం అని చెబుతుంటారు. ఈ విషయాన్ని మీరు వీడియోగా చూడాలని ఉంటే… ట్విటర్‌లో ‘అల్లు అర్జున్‌ ఫ్యాన్‌’ అని ఓసారి సెర్చ్‌ చేయండి. అందులో ఓ అభిమాని బన్నీని (Allu Arjun) కలసిన వీడియో కనిపిస్తుంది. ఆ వీడియో చూశాక, అందులో ఆ అబ్బాయి కన్నీళ్లు చూశాక మీరే చెప్పేస్తారు. ఆ అబ్బాయి ఎంత ఆనందంగా ఉన్నాడు అనేది.

అభిమానులను ఎంతో ప్రేమించే కథానాయకులు ఉన్న ఇండస్ట్రీ టాలీవుడ్‌. ఇక్కడ హీరోలు తమ ఫ్యాన్స్‌ను కుటుంబ సభ్యుల్లా చూస్తుంటారు అంటారు. అలా అల్లు అర్జున్‌ను తన అభిమాని కలసినప్పుడు ఎలా రిసీవ్‌ చేసుకున్నాడు, దానికి ఆ అభిమాని ఎలా ఫీల్‌ అయ్యాడనేది చూడొచ్చు. అభిమాను హీరోను ప్రత్యక్షంగా చూడాలని ఆశపడే వారిని వీలు చూసుకుని కలుస్తుంటారు మన టాలీవుడ్‌ హీరోలు. అలా బన్నీ కూడా ఓ అభిమానిని ఇటీవల కలిశాడు.

హైదరాబాద్‌లోని తన కార్యాలయంలో అభిమానిని కలిసి సరదాగా మాట్లాడారు. అతడితో ఫొటోలు దిగారు. అభిమాన నటుడిని కలిశాననే ఆనందంతో ఆ కుర్రాడు భావోద్వేగానికి గురయ్యాడు. హత్తుకుని కన్నీళ్లు పెట్టుకోగా అతడిని బన్నీ ఓదార్చాడు. దీనికి సంబంధించిన వీడియో సోషల్ మీడియాలో వైరల్‌గా మారింది. ఆ వీడియోలో అబ్బాయి కన్నీళ్లు చూస్తే ఆనందం, అభిమానం ఎంతగా ఉన్నాయో మీరే చెప్పేయొచ్చు.

ఇక బన్నీ సినిమాల విషయానికి వస్తే ప్రస్తుతం ‘పుష్ప: ది రూల్‌’ (Pushpa2) కోసం పని చేస్తున్నారు. ‘పుష్: ది రైజ్‌’ (Pushpa) కు కొనసాగింపుగా ఈ సినిమా సిద్ధమవుతోంది. ఈ సినిమా షూటింగ్‌ విశాఖపట్నం పరిసరాల్లో జరుగుతోంది. ఈ సినిమా తర్వాత త్రివిక్రమ్‌తో (Trivikram) ఓ సినిమా ఉంటుందని అంటున్నారు. అయితే అట్లీ సినిమా ముందు ప్రారంభమవుతుందని చెబుతున్నారు. ఈ సినిమా తర్వాత ‘పుష్ప’ మూడో పార్టు ‘ది రోర్‌’ వస్తుంది అని చెబుతున్నారు. ఈ విషయంలో క్లారిటీ లేదు.

రజాకర్ సినిమా రివ్యూ & రేటింగ్!

లంబసింగి సినిమా రివ్యూ & రేటింగ్!
సేవ్ ది టైగర్స్: సీజన్ 2 వెబ్ సిరీస్ రివ్యూ & రేటింగ్!