మొన్నీమధ్య ‘శాకుంతలం’ సినిమా కోసం అల్లు అర్హ మేకప్‌ వేసుకుంటున్న ఓ చిన్న వీడియో బిట్‌ సోషల్‌ మీడియాలో వైరల్‌ అయ్యింది గుర్తుందా. ఆ వీడియోను ఒకటి, రెండు సార్లు చూస్తే… ఓ కారవాన్‌లో తీసిన వీడియో అని తెలుస్తుంది. అయితే ఆ కారవాన్‌ అల్లు అర్జున్‌ స్పెషల్‌గా చేయించుకున్న కారవాన్‌ అని తెలుసా? అవును ‘శాకుంతలం’ కోసం అర్హకి బన్నీ తన కారవాన్‌ ఇచ్చేశాడట. అల్లు అర్జున్‌ తన కోసం ప్రత్యేకం ఫాల్కన్‌ అనే లగ్జరీ కారవాన్‌ను రూపొందించుకున్న విషయం తెలిసిందే.
అందులో అన్ని రకాల సదుపాయాలు ఉండేలా చూసుకున్నాడు బన్నీ. అయితే ఇప్పుడు తన ముద్దుల తనయ కోసం ఆ కారవాన్‌ను ‘శాకుంతలం’ సెట్స్‌లోనే ఉంచేశాడని తెలుస్తోంది. అర్హ మేకప్‌, షూటింగ్‌ గ్యాప్‌ రెస్ట్‌ తీసుకోవడం లాంటి వాటి కోసం ఈ నిర్ణయం తీసుకున్నాడట అర్జున్‌. సమంత ప్రధాన పాత్రలో రూపొందుతున్న ‘శాకుంతలం’లో అర్హ ప్రిన్స్‌ భరత పాత్రలో నటిస్తోన్న విషయం తెలిసిందే. కొన్ని రోజుల క్రితం ఈ విషయాన్ని చిత్రబృందం అధికారికంగా ప్రకటించింది.
తాజాగా అర్హ మీద చిత్రీకరణ సాగుతోంది. ఈ షెడ్యూల్‌లోనే ఆమె పోర్షన్‌ షూటింగ్‌ పూర్తయిపోతుందని సమాచారం. అన్నట్లు శనివారం ‘శాకుంతలం’ సెట్స్ కు అల్లు అర్జున్‌ దంపతులు, అయాన్‌ వచ్చారు. ఈ క్రమంలో అర్హ నటన చూసిన బన్ని తెగ మురిసిపోయాడట.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
