Allu Arjun: ముసుగు వేసుకుని మరీ సినిమా చూడటానికి వెళ్లిన అల్లు అర్జున్?

సాధారణంగా సినీ సెలబ్రిటీలకు బయట వారికి కావాల్సినంత స్వేచ్ఛ ఉండదు.వారి అవసరాల నిమిత్తం వారు బయటకు వెళ్లిన పెద్ద ఎత్తున అభిమానులు చుట్టుముట్టి ఉక్కిరిబిక్కిరి చేస్తూ ఉంటారు. ఈ క్రమంలోనే సెలబ్రిటీలు కాస్త విరామం పొందటానికి, స్వేచ్ఛగా తిరగడానికి ఎక్కువగా విదేశాలకు వెళుతుంటారు. అయితే తాజాగా ఐకాన్ స్టార్ అల్లు అర్జున్ మాత్రం ఒక సినిమా చూడటం కోసం హైదరాబాదులో అష్టకష్టాలు పడినట్లు తన తండ్రి అల్లు అరవింద్ వెల్లడించారు.

తాజాగా అనిల్ రావిపూడి దర్శకత్వంలో తెరకెక్కిన ఎఫ్ 3 సినిమాని అల్లు అర్జున్ ఇంట్లో చూస్తానని చెప్పగా తన తండ్రి అల్లు అర్జున్ మాత్రం ఈ సినిమా ఇంట్లో చూసి జడ్జి చేయాల్సిన సినిమా కాదు. తప్పకుండా థియేటర్లో చూడాల్సిన సినిమా అని చెప్పడంతో అల్లుఅర్జున్ హైదరాబాద్ లోని కూకట్ పల్లిలో ఉన్నటువంటి ఒక థియేటర్లో ఈ సినిమా చూసినట్లు అల్లుఅరవింద్ వెల్లడించారు.సినిమా స్టార్ట్ అయిన తర్వాత అల్లు అర్జున్

ముసుకు వేసుకొని థియేటర్లలో ఈ సినిమా చూశారని ఇంటర్వెల్ కు కొన్ని క్షణాల ముందు బయటకు రావడం ఆ తర్వాత సినిమా స్టార్ట్ అవ్వగానే థియేటర్ లోకి వెళ్లి సినిమా చూడటం,సినిమా మరి కొన్ని నిమిషాలలో అయిపోతుంది అనగా థియేటర్ నుంచి బయటకు వచ్చినట్లు అల్లుఅరవింద్ వెల్లడించారు. ఈ విధంగా అల్లుఅర్జున్ ముసుకు వేసుకొని మరి ఎన్నో కష్టాలు పడుతూ ఎఫ్ 3 సినిమా చూసినట్లు అల్లు అరవింద్ తెలిపారు.

ఈ విధంగా అల్లు అర్జున్ ముసుగు వేసుకుని థియేటర్ కి వెళ్లి సినిమా చూసిన కానీ అల్లు అర్జున్ ను ఎవరు గుర్తు పట్టక పోవడం గమనార్హం. ఇక అల్లు అరవింద్ ఈ విషయాన్ని బయట పెట్టడంతో ఎంతో మంది నెటిజన్లు అల్లు అర్జున్ సినిమా చూడటం కోసం పడిన కష్టాలను తెలుసుకుని ఆశ్చర్యం వ్యక్తం చేస్తున్నారు.ఏదిఏమైనా అల్లు అర్జున్ హైదరాబాద్ లో థియేటర్లో సినిమా చూడటం కోసం పెద్ద సాహసమే చేశారని చెప్పాలి.

ఎఫ్ 3 సినిమా రివ్యూ & రేటింగ్!

Most Recommended Video

పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!